Nën organizimin e shoqërisë civile të Prizrenit, sot në qendrën e këtij qyteti është organizuar protestë, në të cilën është kërkuar dorëheqja e kryetarit të Komunës, Ramadan Muja.
Gjithashtu është kërkuar edhe dorëheqja edhe e ministrit të Ambientit dhe Planifikimit Hapësinor, Ferid Agani dhe ministrit të Kulturës, Kujtim Shala.
Këto dorëheqje janë kërkuar pasi që organizatorët e protestës i quajnë përgjegjës për vdekjen e 3 vjeçares, Xheneta Gashi, të vdekur ditë më parë pas shembjes së një shtëpie në Prizren.
Protestës së sotme të shoqërisë civile në Prizren, në të cilën morën pjesë disa qindra qytetarë, përveç prizrenasve, i janë bashkuar edhe qytetarë nga komunat tjera të Kosovës.
Shqipërim Lubishtani, qytetar nga Ferizaj, ka thënë për Telegrafin se ai ka shkuar sot në Prizren që të protestojë, për shkak se e ka prekur shumë rasti i mënyrës se si e ka humbur jetën Xheneta Gashi.
Ai mendon se personat përgjegjës për shembjen e shtëpisë në Qendrën Historike të Prizrenit, duhet të marrin përgjegjësi penale – duhet të dorëhiqen.
“Besoj që mosveprimi i tyre është vepër penale. Kjo çka ka ndodhur mund të përsëritet nëse nuk merren masat ndaj personave përgjegjës. Besoj se kësaj radhe presioni dhe mobilizimi i qytetarëve, do ta arrij qëllimin e tij”.
Pjesë e protestës së mbajtur sot në Prizren ka qenë edhe deputeti i Lëvizjes Vetëvendosje (VV), Mutaher Haskuka, i cili ka theksuar se vdekja e Xhenetës, ka qenë pika kulmore e pakënaqësisë së qytetarëve të Prizrenit, të cilët sipas tij, janë shumë të pakënaqur me drejtuesit komunal.
Ai ka thënë se neglizhimi për ta rregulluar Qendrën Kulturore në Prizren, rezultojë sipas tij, në vdekjen e Xhenetës.
“Përkundër që është moti i nxehtë dhe jemi në muajin e Ramazanit, shumë qytetarë i janë bashkuar protestës, gjë e cila tregon se pakënaqësia në mesin e qytetarëve është rritur. Madje nëse inicohet një peticion për ta kërkuar dorëheqjen e kryetarit të Prizrenit, jam i bindur se pjesa dërrmuese e qytetarëve të Prizrenit do ta nënshkruanin atë”, ka theksuar Haskuka.
E Nita Krajku, qytetare e Prizrenit, ka thënë se e ka irrituar shumë mënyra se si ka vdekur 3 vjeçarja Xheneta Gashi.
Ajo ka theksuar se është shumë e pakënaqur në përgjithësi me udhëheqjen komunale, duke shtuar se rasti i Xhenetës e ka tronditur tërë qytetin.
“Disa po thonë dhe po arsyetohen se shtëpia ka qenë e uzurpume. Edhe çfarë ka kjo rëndësi kur është në pyetje jeta e njeriut. Prapë se prapë institucionet komunale janë fajtore pse nuk e kanë trajtuar rastin si duhet. Unë dua ta përshëndes vendimin e nënës së Xhenetës, e cila nuk ka pranuar ndihmën e komunës. Besoj se, pas organizimit të qytetarëve, kësaj familje do t’i dilet në ndihmë dhe nuk do të ballafaqohet me këso problem”, ka shtuar Krajku.
Ndryshe, para disa ditëve në Qendrën Historike të Prizrenit, është shembur një shtëpi, ku për pasoja ka humbur jetën 3 vjeçarja Xheneta Gashi, familja e të cilës ishte vendosur në këtë shtëpi. /Telegrafi/
Lufta Prigozhin - Putin
Më shumëGjendet turistja franceze që ishte zhdukur në malet shqiptare prej ditësh
Spiunët e BIA-s bënin plane për incidente ndëretnike në Kosovë
Publikohet audio e bisedës në mes të oficerit të BIA-s dhe të dyshuarit për spiuanazh, Bedri Shabani
'Pasarela' që lidh Pallatin e Rinisë me Hotelin Grand do të vazhdohet sipas planit të viteve ’70-ta
Me polemika mes avokatit Berisha dhe prokurorit Gashi ka vazhduar dëgjimi i dëshmitares në rastin e 400 kg kokainë
Hovenier: Kosova mund të përparojë vetëm me përkrahjen e SHBA-së, duhet të marrë parasysh shqetësimet tona
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
AMP
Publikohet audio e bisedës në mes të oficerit të BIA-s dhe të dyshuarit për spiuanazh, Bedri Shabani
Gjashtë ditë të tmerrshme në burgun e Stanfordit - historia e eksperimentit që njerëzit paqësorë i shndërroi në ‘përbindësha’
Ky është restoranti më i mirë në botë për vitin 2024
Spiunët e arrestuar dhe BIA serbe patën bisedime një ditë pas sulmit në Banjskë
Gjendet turistja franceze që ishte zhdukur në malet shqiptare prej ditësh