Fakte interesante të rrethit të parë të grupeve në Euro 2016

Me takimin Portugali – Islandë ka përfunduar rrethi i parë i të gjitha grupeve në Euro 2016.

12 ndeshjet e para nuk dhanë asnjë fitore bindëse. Nga 12 ndeshjet e para të zhvilluara vetëm tri takime përfunduan me barazim.

Takimet që përfunduan baras ishin Angli – Rusi, Suedi – Irlandë dhe Portugali – Islandë. Të tria përfunduan me rezultat 1 me 1.

Fitoret më të thella ishin me rezultat 2 – 0. Gjermani – Ukrainë, Itali – Belgjikë dhe Hungari – Austri përfunduan me rezultat 2 – 0.

Vetëm dy nga 12 ndeshje sollën më shumë se dy gola, ndërsa asnjë nuk përfundoi pa gola. Ajo ishte ndeshja hapëse mes Francës dhe Rumanisë që përfundoi 2 me 1 për nikoqirët dhe fitorja e Uellsit ndaj Sllovakisë 2 me 1, transmeton koha.net.

Nga gjashtë grupet me nga katër ekipe pas tri xhirove do të kalojnë tutje nga dy ekipe. Përpos tyre tutje shkojnë edhe katër ekipet që kanë më së shumti pikë në pozitat e treta të të gjitha grupeve.

Deri tani pozitat e treta më të mira janë Rusia, Islanda, Irlanda me një pikë dhe Rumania që edhe pse pësoi ishte ekipi me goldiferencën më të mirë nga ekipet tjera që zunë pozitat e treta.