Bulliqi publikon procesverbalin e Komisionit të Malit të Zi: Ja çka bëri komisioni i Mehës (Video)

Komisioni për caktimin e vijës kufitare me Malin e Zi nuk i ka përdorë hartat topografike të Institutit Gjeografik të ish-Jugosllavisë, por ka përdorë disa harta tjera, të cilat sipas tyre vlejnë, e ato të Institutit nuk vlejnë.

Kështu ka thënë Shpejtim Bulliqi, deputet i LDK-së në emisionin ‘Rrokum Roll’, duke shtuar se “duhet me gjet ndonjë super-ekspert për këtë, sepse nuk di çka të them ndryshe”.

Ai në vazhdim thekson se, “gabimet e Komisionit kosovar janë bërë qysh në start me metodologji, sepse janë mbështet vetëm në një kriter, atë kadastral. Nuk kanë marrë për bazë asnjë kriter tjetër”.

Bulliqi në vazhdim ka publikuar një argument ekskluziv në Rrokum Roll. Fjala është për procesverbalin e Komisionit të Malit të Zi, ku thuhet se pala kosovare ia ka transferuar të gjitha kompetencat Malit të Zi për përcaktimin e vijës kufitare ndërmjet dy shteteve.

Bulliqi tha se ky procesverbal është në faqen zyrtare të Komisionit malazez.

Sipas këtij dokumenti, pala malazeze e ka përgjegjësin e plotë për të përgatitur draftin e caktimit të vijës kufitare.

Bulliqi ka thënë se këtë dokument e kanë edhe qeveritarët tanë.

Ai në fund thotë se “përgjegjësinë kryesore e ka komisioni i palës kosovare dhe askush tjetër për këtë. Ai ka shtuar se na duhet ti ruajmë marrëdhëniet me Malin e Zi”. /Telegrafi/