Deklarata e fundit e Muhamed Aliut që gozhdoi islamofobin Donald Trump (Foto)

Njerëzimi ka të gjitha arsyet që të jetë i pikëlluar nga vdekja e Muhamed Aliut, legjendës së boksit, kampionit të drejtësisë sociale dhe një prej sportistëve më të mirë që ka shkelur në planet, i cili vdiq në moshën 74 vjeçare.

Ashtu sikurse performancat e tij të pamëshirshme në ring, Ali u bë i njohur edhe si një prej mendjeve më të mprehta që ka ekzistuar, prej oratorëve më të thukët që kanë ekzistuar – veçori këto që nuk u shuan me plakjen e tij, përkundër faktit se ai luftoi një kohë të gjatë me sëmundjen e Parkinsonit, shkruan Telegrafi.

Në fund të vitit të kaluar, teksa biznesmeni Donald Trump fitoi famën e tij në SHBA me kandidaturën e tij për president, me gjithë islamofobinë e mundshme të ngërthyer brenda tij – ishte pikërisht muslimani më i famshëm në Amerikë i cili e gozhdoi me një deklaratë 132 fjalëshe.

Pasi Trump bëri të ditur planin e tij për të ndaluar hyrjen në SHBA të të gjithë muslimanëve, Muhamed Ali e hodhi poshtë këtë plan dhe republikanin e zëshëm madje pa ia përmendur fare emrin.

Deklarata e Muhamed Aliut në shqip:

“Unë jam musliman dhe nuk ka asgjë islame në vrasjen en njerëzve të pafajshëm në Paris, San Bernardino, apo ku do tjetër në botë. Muslimanët e vërtetë e dinë se dhuna e të ashtuquajturve xhihadistëve islamikë është kundër të gjitha aspekteve të fesë tonë”.

“Ne si muslimanë duhet të ngritemi ndaj këtyre që shfrytëzojnë islamin për të çuar përpara agjendën e tyre personale. Ata kanë ndaluar shumë njerëz që të mësojnë për islamin. Muslimanët e vërtetë e dinë ose duhet të dinë se është kundër fesë tonë që të detyrojmë të tjerët të bëhen muslimanë”.

“Duke folur si dikush që kurrë nuk është akuzuar për korrektësi politike, unë besoj se liderët tanë politikë duhet të shfrytëzojnë pozitën e tyre që të sjellin mirëkuptim për fenë islame dhe të sqarojnë se vrasësit e keq-udhëzuar kanë devijuar pikëpamjen e njerëzve nga ajo që në të vërtet është Islami”, u shpreh Ali në këtë deklaratë.

https://twitter.com/AdamHoge/status/674732637458591744

Përderisa Muhamed Ali nuk iu referua direkt Donald Trumpit, në titull të deklaratës ka shkruar se deklarata është pas propozimit nga kandidatët presidenacialë për ndalesën e hyrjes së muslimanëve në SHBA.

Muhamed Ali vdiq në moshën 74 vjeçare. /Telegrafi/