Surroi: Qeveria duhet të bisedojë lehtësisht me opozitën, ashtu si bisedon me Serbinë

“Konsensusi është forma e vetme që i ka ngelur pushtetit ta përdorë për ta nxjerrë vendin nga bllokada disamujore”, ka thënë në Rubikon shkrimtari e publicisti Veton Surroi.

Për të, pushteti nuk duhet të fshihet duke u shtirur se nuk po ndodh asgjë, ndërsa në anën tjetër, opozita duhet të qartësojë qëndrimet e veta.

Ai i rekomandon qeverisë që të praktikojë lehtësinë që përdor në dialogun me palën serbe edhe për të dialoguar me opozitën.

Arrestimin e Azem Sylës dhe operacionin për lirimin e pronave të uzurpuara i ka quajtur matje të pulsit të qytetarëve, duke potencuar se një shtet i kapur si Kosova e ka të vështirë të kalojë në një shtet ku sundon ligji.

Por, ai beson se shoqëria kosovare nuk do të mund të jetojë gjithmonë nën thundrën e krimit të organizuar. Surroi në Rubikon ka shpalosur romanin “Përcaktimi i dashurisë së Marie Gjonit”, një roman dashurie që lidhet ngushtë me historinë e vendit, Kosovën e shekullit XX dhe epokën e komunizmit.

https://vimeo.com/168966487