FRODEM: Falje përzgjedhëse nga persona të pabesueshëm dhe të humbur në politikë

Tërheqja e pjesshme e faljes nga ana e Ivanov edhe njëherë e tregoi fytyrën e shëmtuar të personave të humbur dhe të pabesueshëm në politikë. Me vetë aktin e faljes së paturpshme të personave të dyshuar për veprime kriminale, Ivanov para tërë opinionit botëror e tregoi sjelljen e tij ndaj realizimit të institutit të sundimit të së drejtës dhe zbatimit të drejtësisë, thuhet në reagimin e FRODEM, transmeton Telegrafi Maqedoni.

Si “baba i kombit” për shkak të sjelljes së tij servile dhe përkulëse për kushedi të satën herë i shkeli vlerat themelore të rendit kushtetues të Republikës së Maqedonisë si dhe të nenit 9 të RM.

Pas këtij hapi të tij përfundimisht duhet të vijojë dorëheqja e tij nga funksioni kryetar i Republikës së Maqedonisë që shteti ynë së paku të mund ta rruaj fytyrën e vet para opinionit vendor dhe ndërkombëtar.

E ftojmë PSP që urgjentisht ta shqyrtojë rolin e tij në zgjedhjet e fundit presidenciale dhe parlamentare dhe nëse ka dëshmi serioze të nis procedurë adekuate për pjesëmarrje të tij në falsifikimin e zgjedhjeve dhe pjesëmarrje në shoqërim kriminal“, qëndron në njoftimin e FRODEM./Telegrafi/