Lideri i NISMA-s për Kosovbn, Fatmir Limaj ka thënë se nuk e ka uruar Hashim Thaçin sot në Ditën e Presidentit.

“Jo nuk i kam uruar Ditën e Presidentit. Ta shohim çfarë po bëhet me demarkacion, pastaj ta shohim”, është shprehur Limaj.

Ai ka thënë se që prej vitit 2010 -2011, nuk ka folur me Hashim Thaçin shoqërisht edhe pse ata ishin takuar ndonjëherë në ndonjë takim, transmeton Indeksonline.

Limaj poashtu, tha se në Kosova ka mungesë të ndjeshmërisë kolektive dhe përgjegjësisë kolektive, këto fjalë ai i tha në lidhje me mos menaxhimin jo të duhur të mbeturinave në Kosovë.

Në pyetjen e Fatmir Spahiut në emisionin “Natën” se cila është më mirë të ndodh rënia e Qeverisë apo liberalizimi i vizave, Limaj ka thënë se do të ishte mirë të ndodhnin të dyja menjëherë.

“Ishalla të dyja përnjëherë. Vendi ynë e ka merituar liberalizimin shumë moti, por ajo e ka penguar ishin arsyet politike”, është shprehur Limaj.

Ai e ritheksoj edhe në këtë emision se Kosova nuk duhet ta ketë kusht demarkacionin që t’i liberalizohen vizat, pasi që një kusht të tillë nuk e kishte Mali i Zi.

“Kosova nuk duhet të ketë kusht demarkacionin, pse Mali i Zi nuk e kishte kusht demarkacionin e Kosova duhet të”, tha ai.

Limaj u shpreh i bindur se edhe deputetet e koalicionit nuk do ta votojnë demarkacionin.