Qeveria e Kosovës pritet që me një afat të përshpejtuar ta dërgojë në Kuvend Projektligjin për ratifikim të Marrëveshjes për Demarkacionin e kufirit me Malin e Zi, duke përmbushur kështu një prej kushteve të rëndësishme për liberalizim të vizave për qytetarët e vendit.
Zëdhënësi i Qeverisë së Kosovës, Arban Abrashi, i ka thënë Radios Evropa e Lirë se beson që në kuadër të premtimeve që ka bërë qeveria, do të dërgohet në afat rekord për ratifikim marrëveshja për demarkacionin e kufirit me Malin e Zi.
“Qeveria beson që në afat rekord, ashtu si janë dhënë edhe premtimet kundrejt zyrtarëve të lartë të Bashkimit Evropian, të përfundojë edhe çështjen e demarkacionit. Ky vendim do të jetë si rezultat i përmbylljes së gjithanshme të përgatitjeve juridike profesionale dhe politike të cilat vetëm kanë filluar.”
“Ne kemi një synim, ashtu siç janë dhënë edhe premtimet nga zyrtarët e BE-së ,që çështja e liberalizimit të vizave do të trajtohet brenda 90 – 100 ditësh, ashtu siç kanë thënë, ta dërgojmë edhe ne këtë çështje në Kuvend”, ka theksuar Abrashi.
Mësohet ndërkaq se autoritetet në Prishtinë, Projektligjin për ratifikim mund ta dërgojnë në Kuvend përpara se Këshilli i Bashkimit Evropian ta diskutojë çështjen e liberalizimit të vizave dhe të hapë rrugën për lëvizjen e lirë të qytetarëve të Kosovës.
Kjo, thonë autoritetet në Kosovë, mund të bëhet menjëherë pas dorëzimit të raportit të raportueses së Parlamentit të Evropës për liberalizim të vizave, Tanja Fajon.
Por, ndërkohë në Prishtinë nuk është proceduar ende projektligji për ratifikim. Demarkacioni me Malin e Zi nuk do të jetë në pikë ditë as në seancën e nesërme të Kuvendit të Kosovës.
Këtë e ka bërë të ditur edhe kryetari i Kuvendit të Kosovës, Kadri Veseli.
“Demarkacioni nuk është pikë e rendit të ditës, pikat e rendit të ditës i kemi përcaktuar”, ka thënë shkurt Veseli, pasi që ishte pyetur nga gazetarët lidhur me këtë çështje.
Ndërkohë, ratifikimi i Marrëveshjes për Demarkacionin e kufirit me Malin e Zi mbetet çështja kryesore për fillimin e zbatimit të liberalizmit të vizave për Kosovën.
Komisionari për Politikë Evropiane të Fqinjësisë dhe Negociata për Zgjerim, Johannes Hahn, kishte theksuar se pa zgjidhjen e çështjes së demarkacionit kufitar me Malin e Zi, nuk do të ketë liberalizim të vizave për qytetarët e Kosovës.
Por, për opozitën çështja e demarkacionit mbetet ende e pazgjidhur. Ata e kanë kundërshtuar prej muajsh këtë proces dhe vazhdojnë të kërkojnë rinegociimin e saj në Bruksel.
Muharrem Nitaj, anëtar i kryesisë së Aleancës për Ardhmërinë e Kosovës thotë se demarkacioni i Kosovës me Malin e Zi është bërë keq dhe kjo marrëveshje si e tillë duhet të kundërshtohet dhe duhet të korrigjohet.
“Deputetët e Kuvendit të Kosovës duhet ta kuptojnë seriozitetin e çështjes dhe nuk duhet të nguten dhe ta ratifikojnë një marrëveshje e cila e dëmton Kosovën për mbi 8 mijë hektarë. Çështja është serioze dhe nuk bëhet fjalë këtu për ratifikimin e një marrëveshje që cakton kufijtë e “mahallave”, por kufijtë shtetëror të Kosovës”, ka thënë Nitaj.
Ai thekson se Aleanca për Ardhmërinë e Kosovës konsideron se akoma ka hapësirë që kjo marrëveshje të kthehet në Bruksel dhe të negociohet me palën malazeze, në mënyrë që të korrigjohet dhe pastaj të ratifikohet në Kuvend.
“Çdo përpjekje tjetër e pushtetarëve të Kosovës që këtë çështje ta kalojnë sikur gjithçka është në rregull unë druaj se do të reflektojë shumë keq edhe në interesin e Kosovës dhe të Malit të Zi. Unë druaj që kjo do të ketë reflektime negative edhe në situatën e sigurisë në Kosovë dhe në Mal të Zi”, thekson Nitaj.
Në anën tjetër, edhe subjekti më i madh opozitar në Kosovë, Lëvizja Vetëvendosje, kundërshton ratifikimin e marrëveshjes.
Frashër Krasniqi, zëdhënës i këtij subjekti politik, i ka thënë Radios Evropa e Lirë se në momentin kur kjo marrëveshje do të vijë në rend dite në Kuvendin e Kosovës, ata do të përdorin forma të ndryshme që ta pamundësojnë ratifikimin e saj.
“Lëvizja Vetëvendosje do ta kundërshtojë këtë marrëveshje brenda Kuvendit dhe jashtë tij do të protestojë në mënyrë më intensive sesa në të kaluarën, në mënyrë që mos ta lejojë ratifikimin e kësaj marrëveshje”, thekson Krasniqi.
Përveç marrëveshjes për demarkacion me Malin e Zi, e cila tani e sa kohë nuk është arritur të futet në rend dite në ndonjërën nga seancat parlamentare, Kuvendi i Kosovës ka shënuar ngecje edhe në procedimin e shumë projektligjeve tjerë që konsiderohen me interes për shtetin e Kosovës.
Kryetari i Kuvendit të Kosovës, Kadri Veseli, ka pranuar kritikat që i janë bërë nga shoqëria civile për dinamikën e ulët të punës së Kuvendit dhe numrin e ulët të seancave parlamentare të mbajtura gjatë këtij viti.
“Kush na kritikon, veçanërisht në vitin e fundit të mandatit tonë, ka të drejtë, nuk jemi duke punuar aq sa duhet, por atë që më duhet të them është se do të punojmë edhe në mënyrë më intensive, veçanërisht pas liberalizimit të vizave dhe Marrëveshjes së Stabilizim Asocimiit, ne duhet të japim një perspektivë në Kuvendin e Kosovës dhe në të gjitha institucionet e zhvillimit ekonomik”, ka theksuar ai.
Përveç kriterit për demarkacionin me Malin e Zi, Kosova duhet të përmbushë edhe një kriter tjetër që është thellimi i luftës kundër krimit të organizuara dhe korrupsionit.
Lufta Prigozhin - Putin
Më shumëNga Rubrika
“Nuk ka logjikë që një njeri mos me dal me thanë ne besojmë në drejtësi”, Tahiri i AAK-së me kritika për Qeverinë Kurti për rastet e dyshuara të korrupsionit
Britania e Madhe kërkon t’i kushtohet më shumë vëmendje rreziqeve të konfliktit në Ballkan
VLEN: Gjykata Administrative ka pranuar ankesën për vendvotimin në Likovë
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Protestuesit hyjnë në Kuvend me pankarta për të drejtën e votës së emigrantëve, hedhin letra drejt deputetëve
Siljanovska: Nuk do t'i largojë tabelat Maqedonia e Veriut, dhe do ta përdor vetëm Maqedonia
Mentor Latifi emërohet ambasador i Kosovës në Zvicër
A po kushtëzohet anëtarësimi i Kosovës në Këshill të Evropës me themelimin e Asociacionit?
Aktivisti i Luginës, Muharrem Salihu kandidati i parë nga Italia për zgjedhjet në Parlamentin Evropian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit