Vdes 26 vjeçarja lehonë, shpëton foshnja!

Zyrtarisht, sipas drejtorit të Gjinekologjike Çair, gruaja e re erdhi në spital në ora 9:30 të mëngjesit në gjendje të rëndë dhe probleme me frymëmarrjen, buzët të mavijosura ku menjëherë është dërguar në repartin e Intenzivës ku u reanimua dhe i është dhënë oksigjen. Por, situata u bë më dramatike, gruaja ka kaluar në gjendje kome. Pas një orë e reanimimi, mjekët vendosën për ta lindur, për ta shpëtuar foshnjë, transmeton Telegrafi Maqedoni.

“Gruaja e re erdhi papritmas dhe ka kërkuar ndihmë. Ishte rreth 35 javë shtatzënie, që do të thotë tetë muaj. Nuk e njohim, shtatzënia nuk është ndjekur këtu. Ne menjëherë filluam ta animojmë, por gjendja u bë kritike. Në atë moment menduam për foshnjën, kështu që ne vendosëm të bëjmë një lindje cezariane të paktën për ta shpëtuar atë, sepse humbeshte fëmija”, tha për NOVA, Bashkim Ismaili Drejtor i Spitalit special për gjinekologji dhe akusheri në Çair.

Pas operacionit, automjeti i emergjencës, dy anesteziologë dhe gjinekologë të shoqëruar, nënë e re, rreth mesditës u dërgua në spitalin e qytetit kirurgji “Ss. Naum Ohridski”. Ajo vdiq rreth orës 17:30, kurse trupi menjëherë i është dërguar për obduksion. Foshnja është gjallë dhe është vendosur në inkubator në Klinikën për sëmundje të fëmijëve.

Jozyrtarisht, bëhet fjalë se gruaja lehone ka vdekur si rezultat i mushkërive të bardha dhe sëmundjeve malinje. /Telegrafi/