Ministri i Punëve të Brendshme (MPB), Skender Hyseni, ka theksuar se është shumë i lumtur për rekomandimin për liberalizimin e vizave për Kosovën, që e ka bërë Komisioni Evropian.
Ai në një konferencë për media, ka theksuar se Kosova e ka merituar liberalizimin e vizave, dhe se sipas tij, “mund të themi se jemi një nga vendet më pro evropiane në Ballkanin Perëndimor”.
“Jemi në një ditë gëzimi, lumturie, sepse më në fund përveç që ndihemi evropian, edhe teknikisht jemi evropian, sepse do të udhëtojmë pa viza për në BE”, ka thënë Hyseni, përcjell Telegrafi.
“Dëshiroj të ju falënderojë për angazhimin tuaj, dhe dëshiroj t’i falënderoj të gjitha institucionet që kanë qëndruar përkrah nesh, derisa po i përmbushin kriteret që nuk kanë qenë të lehta”, ka thënë Hyseni duke iu drejtuar Komisionerit për Migracion, Punët e Brendshme dhe Shtetësinë, Dimitris Avramopoulos, me të cilin ishin gjatë një konference të përbashkët.
Sipas tij, Kosova edhe më tutje do të vazhdojë të mbajë të njëjtin drejtim, duke shtuar se “Kosova tashmë ka nënshkruar MSA-në, dhe përfundimisht ne jemi të përcaktuar në angazhimin tonë që të ndjekim qëllimin që të jemi anëtarë të plotë të BE-së”.
“Jemi të vetëdijshëm për detyrat që janë para nesh, qeveria e Kosovës qëndron e angazhuar që të përmbush kriteret e kërkuara”, ka shtuar Hyseni. /Telegrafi/
Promo
Reklamo këtuLufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251