Kur femrat janë të dashuruara është shumë e thjeshtë të bëjnë gabime dhe shumë e vështirë për t’i konsideruar ato si të tilla.
Të mbuluara nga ndjenja e pasioni nuk jemi në gjendje të kuptojmë sjelljet tona dhe aq më tepër t’i cilësojmë ato si të dëmshme për marrëdhënien tonë.
Në fillimet e lidhjes nuk tregohemi të kujdesshme ndaj çdo veprimi që ndërmarrim.
1. Humbja e vetvetes
Një nga gabimet femërore është humbja e vetvetes. Humbja e kontaktit me familjarët, miqtë. Femrat ndihen si të përhumbura dhe kanë ndjesinë e një mpirjeje emocionale dhe mendore kundrejt rrethit të tyre të mëparshëm social. Qendra e botës është vetëm ai dhe përkushtimi ndaj marrëdhënies është gjithçka. Krijohet ndjesia se partneri është përmbushësi i çdo dëshire e nevoje që kanë.
2. Monitorimi i tjetrit
Ku ndodhet, çfarë bën, me kë është i shoqëruar, pse nuk iu përgjigj telefonatave etj., etj. Të gjitha këto sjellje të përsëritura kanë tendencën të duken të ekzagjeruara dhe femrat priren të shfaqen paranojake. Sjellje të tilla e bëjnë të mërzitshme marrëdhënien dhe partneri ndihet i penguar dhe jo i lirë.
3. Shpërfillja e të metave
Në fillimet e njohjes, një femër e dashuruar është e mrekulluar dhe e lumtur nga personi që ka në krah. Ajo e vlerëson atë pa i venë re të metat. Edhe nëse ato janë lehtësisht të dallueshme ajo i hedh pas krahëve, duke mos i dhënë rëndësinë e duhur. Këto sjellin probleme të mëparshme, kur gratë ose përpiqen padobishmërisht të ndryshojnë partnerin, ose ndihen brenda një rrethi vicioz nga e cila me shumë vështirësi mund të dalin. Dhe disa nuk dalin dot.
4. Libri i hapur
Disa nga femrat mendojnë se duke qenë shumë të hapur me partnerin e tyre në çdo detaj edhe mbi të kaluarën e tyre është më bukur dhe më emocionuese. Duket sikur lidhja forcohet më shumë dhe i bën të ndjehen më mirë. Por nuk duhet harruar që pakëz mister duhet ruajtur në marrëdhëniet tona. Imagjinoni sikur gjithçka mbi ju të zbulohet kaq lehtë që në fillimet e lidhjes suaj. Meshkujve u pëlqejnë sfidat, kështu që dhe marrëdhënia e dashurisë duhet konsideruar si një sfidë emocionuese për ta, për të qenë e thellë dhe e bukur.
5. Mashtrimi
Një kategori tjetër femrash, përkundrazi, priren të mashtrojnë (edhe meshkujt e bëjnë të njëjtën gjë), duke besuar se “zbukurimi” i gjërave do të jetë si një lak rreth qafës së burrave që do t’i mbërthejë ato krah tyre. Edhe pse pak mister gjithnjë është mirë, mashtrimi është absolutisht një gabim, shkruan revista Psikologji. Zbulimi i të vërtetës mund të ketë pasoja të paparashikueshme.
6. Me sytë nga e kaluara
Ndodh që e kaluara të ketë lënë shenja të pakëndshme. Por kjo nuk do të thotë se ajo duhet të jetë një element krahasimi me të tashmen. Gratë tremben shpesh nga përsëritja e mundshme e përvojave negative, duke harruar se tashmë përballë kanë një burrë tjetër. Ndaj priren të heqin paralele e të bëjnë krahasime. Është gabim hyrja në një lidhje të re me idenë fikse se: të gjithë burrat janë njësoj…/Telegrafi/
Lufta Prigozhin - Putin
Më shumë13 situata në të cilat vazelina është e domosdoshme: Nuk e keni idenë sa është efikase
Si ndryshon trupi i gruas pas humbjes së virgjërisë
Zhdukni rrudhat me këtë metodë të cilën e rekomandon ekspertja
Qindra emra shqiptarë dhe ilirë për fëmijën tuaj
Koka e butë e bebit. Çfarë duhet të bëjmë?
‘Grimi si dredhëz’: Hailey Bieber tregon hap pas hapi si të bëni grimin e verës
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Grushte të fuqishme dhe hedhje në tokë, turko-gjermani Cinkara e fiton luftën ndaj boksierit kosovar Armend Xhoxhaj
Xhensila Myrtezaj rrëzohet në skenë, në nisje të performancës: Uroj të mos e keni kapur këtë
Njësiti special serb “Kobra” dyshohet të jetë pjesë e trajnimeve të grupeve terroriste pranë kufirit me Kosovën
Ish-legjenda e Liverpoolit tregon ‘arsyen e vetme’ që çoi tek përplasja e Salahut me Kloppin
NASA dhe Nokia po dërgojnë rrjetin 4G në hapësirë - çfarë do të thotë kjo për njerëzimin?
Pamje të reja nga përplasja e Salahut me Kloppin tregojnë saktësisht se çfarë ka ndodhur