Pa kontratë pune, me orare të zgjatura, me shkelje flagrante të së drejtës për pushim, në kushte të papërshtatshme të punës dhe të mosigurisë në punë… Kosovarët të cilët kanë fatin të gjejnë një vend pune në Kosovë vazhdojnë të jenë viktimë e punëdhënësve që nuk respektojnë Ligjin e Punës dhe Kontratën Kolektive.
Me gjithë papunësinë e madhe dhe shkeljet elementare të të drejtave të punëtorëve, Bashkimi i Sindikatave të Pavarura të Punëtorëve, vazhdon të drejtohet nga pensionisti Haxhi Arifi, i cili asnjëherë nuk organizoi protesta për 1 Maj.
Sindikatat nuk do të protestojnë as sot, në Ditën Ndërkombëtare të Punëtorëve, por do të udhëtojnë në Shqipëri për t’u relaksuar.
Vetëm gjatë viti 2015, në të gjithë Kosovën, Inspektorati i Punës ka identifikuar 1,800 persona të cilët kanë pasur marrëdhënie pune me punëdhënës të ndryshëm, por pa kontratë pune.
Me këto kushte të punës të pakënaqur janë edhe qytetarët. Ata thonë se në Kosovë nuk respektohen të drejta e punës dhe se ligji i punës shkelet.
Qel Bruqaj është shprehur i pakënaqur me trajtimin që u bëhet punëtorëve në Kosovë duke thënë se të drejtat e tyrejanë shkelur gjithmonë.
“Është e njohur, dihet çfarë të drejta ka edhe njeriu në Kosovë… Gjithmonë janë shkelë. Si nuk janë shkel, kur gjithë këto fabrika, ky arsenal në Kosovë shtet-krijues – s’kemi asnjë fabrikë. Çfarë të drejte mund të ketë punëtori. Ku punojnë, cilët punojnë me 170 euro?”, tha ai.
I pakënaqur me kushtete punës është edhe Bajram Gashi. Ai tha për KosovaPress se të drejtat e punëtorëve më së shumti shkelen në sektorin privat, derisa tha se duhet të protestohet kundër shkeljeve të të drejtave të punëtorëve.
Sipas Sokol Halilit, shkeljet e të drejtave të punëtorëve që bëhen në ditët e sotme, nuk kanë ndodhur as në kohën e Jugosllavisë.
Ai fajësoi Qeverinë dhe Kuvendin për moszbatimin e Kontratës Kolektive.
“Sidomos neve në Kosovë çfarë na duhet festa kur 80 ose 90 për qind janë të papunë… Shkon punëtori 10 deri në 12 orë punon, duhet ta marrë bukën me vete, nuk ka as pushim- me ia nxjerr shpirtin punëtorit. Nuke di ku është Kontrata Kolektive. Fajtor është edhe Kuvendi dhe Qeveria sepse Kontrata Kolektive duhet me pas mbështetje, duhet me pas siguri punëtori”, tha ai.
Ndërsa, kryeinspektori i Inspektoratit të Punës, Basri Ibrahimi tha për KosovaPress se vetëm gjatë vitit 2015 janë identifikuar 1,800 punëtorë pa kontratë të punës, derisa numëroi edhe disa nga shkeljet e tjera të të drejtave të punëtorëve, të cilat i ka identifikuar Inspektorati i Punës.
Ai tha se janë dhënë 1,600 vërejtje për punëdhënës të ndryshëm dhe janë shqiptuar 149 gjoba për këta punëdhënës.
Ibrahimi tha se gjoba maksimale që mund të shqiptohet arrin vlerën 35 mijë euro. Një gjobë e tillë, tha ai, nuk është shqiptuar asnjëherë ndaj ndonjë punëdhënësi.
Se në Kosovë ka shkelje të të drejtave të punëtorëve të cilat janë të garantuara me Ligjin e Punës si dhe kontratën e punës, e konfirmoi edhe nënkryetari i Bashkimit të Sindikatave të Pavarura të Kosovës, Avni Ajdini.
Ai tha se Ligji i Punës është duke u zbatuar pjesërisht derisa përmendi pushimin e lehonisë si një nga të drejtat e cila shkelet nga punëdhënësit.
Derisa theksoi se në sektorin privat bëhen shkelje flagrante të të drejtave të punës, Ajdini tha se një ndër arsyet pse nuk ka respektim të të drejtave të punëtorëve është mos-ndërmarrja e masave të mjaftueshme nga Inspektorati i Punës dhe puna jo e duhur e gjykatave në dënimin e shkelësve të Ligjit të Punës.
Ibrahimi tha se BSPK nuk ka organizuar asnjë protestë për të shprehur pakënaqësitë e punëtorëve më 1 Maj, kur edhe shënohet Dita Ndërkombëtare e Punëtorëve, pasi nuk ka pasur gatishmëri nga sindikatat të cilat janë të anëtarësuara në BSPK.
Ai shtoi se këto sindikata për 1 Maj kanë organizuar udhëtim për në Shqipëri dhe nuk janë treguar të gatshëm për të protestuar.
Ndërkaq, më 13 prill të këtij viti, në Ditën Ndërkombëtare për të vdekurit në vendin e punës u bë publike se vetëm gjatë viti 2015 në Kosovë nëntë punëtorë kanë humbur jetën në vendin e tyre të punës, ndërsa 45 punëtorë janë lënduar si pasojë e aksidenteve në vendin e punës, kushteve jo të mira të punës, moskujdesit të punëdhënësve si dhe edhe nga vetë punëtorët.
Promo
Reklamo këtuLufta Prigozhin - Putin
Më shumëNga Rubrika
Bashkimi Evropian i kujton Siljanovskës se marrëveshjet aktuale duhet të respektohen
Von Cramon kritikoi marrëdhëniet e BE-së me Gjeorgjinë, i reagon zv.ministri Dobra: Sa ndryshon kjo nga ajo po bëni me Serbinë dhe Vuçiqin?
Gjendet një trup i pajetë buzë lumit Vjosa, detajet e para
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Mbi 1 milion qytetarë të regjistruar - këtë javë pëfundon procesi i Regjistrimit të Popullsisë
Rritje e temperaturave gjatë kësaj jave
A do të ketë dënime për ata që nuk regjistrohen - çfarë thonë nga ASK-ja?
Momenti kur Edi Rama u përkulet shqiptarëve në Greqi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Pamjet tregojnë ‘Old Trafford’ drejt shkatërrimit – Ronaldo kishte të drejtë kur foli për kushtet e klubit
Gjatë luftës në Kosovë, nana e ktheu fëmijën që po qante drejt kamerës e i tha: Bija e nanës tregoji botës se çka po na bëjnë!
Wayne Rooney zbulon skandalin e lojtarëve të Man United - nëse vërtetohet do ketë pasoja
Ish-ylli i Liverpoolit zbulon trajnerin e ardhshëm të Man United – thotë se ia tregoi një lojtar aktual i tyre
Alarmoi drejtori i Antikorrupsionit, deputeti Basha kërkon të hetohet rasti i politikanit që fshehu 5 milionë euro në bankën e Zvicrës
Gjermania po e jep falas këtë vilë gjigante, por ka një problem: Sapo përmendet ish-pronari, askush nuk e dëshiron