Koreja e Veriut: Partia Komuniste thërret kongresin e parë pas 36 vjetësh

Lideri i Koresë së Veriut, Kim Jong Un, pritet që të drejtojë kongresin e parë të Partisë së Punës, mbledhje e cila nuk mbahej prej 36 vitesh.

Në bazë të informacioneve që janë zbuluar nga shërbimet inteligjente koreano-jugore, raportohet se në këtë mbledhje do të ketë disa ndryshime në radhët e zyrtarëve më të lartë të partisë. Kongresi i fundit është mbajtur në tetor të vitit 1980. Në këtë kohë, lideri 33-vjeçar i Koresë së Veriut, Kim Jong-un nuk kishte lindur ende.

Partia e Punës në Korenë e Veriut po përgatitet për të mbajtur kongresin e saj të parë pas afro 36 vjetësh. Lajmi është komunikuar nga zyrtarë të lartë të qeverisë, të cilët bënë me dije se përfaqësuesit do të mblidhen në Penian më datë gjashtë Maj. Kongresi do të jetë i shtati në të gjithë historinë e partisë që drejton Korenë e Veriut dhe i pari që do të drejtohet nga lideri Kim Jong-Un.

Në bazë të informacioneve që janë zbuluar nga shërbimet inteligjente koreano-jugore, raportohet se në këtë mbledhje do të ketë disa ndryshime në radhët e zyrtarëve më të lartë të partisë. Për t’u theksuar është fakti se kongresi i fundit është mbajtur në tetor të vitit 1980. Në këtë kohë, lideri 33-vjeçar i Koresë së Veriut, Kim Jong-un nuk kishte lindur ende.

Një temë tjetër e cila pritet të diskutohet në kongresin e partisë është programi bërthamor i Koresë së Veriut. Mediat shtetërore ka raportuar se shumë shpejt koreano-veriorët do të kryejnë testin e pestë të një bombe nukleare. Një gjë e tillë është paralajmëruar edhe nga Ministria e Unifikimit në Koresë së Jugut.

Gjatë një deklarate për mediat, zëdhënësi i kësaj ministrie, Joon-Hee, deklaroi se në bazë të informacioneve të marra nga shërbimet inteligjente, testi i pestë bërthamor nga Koreja e Veriut do të vijë shumë shpejt.