Klopp beson se do të arrin deri këtu me Liverpoolin

Trajneri i Liverpoolit, Jurgen Klopp ka thënë se e ndjen që do të fitojë trofe me ekipin anglez, sipas tij një gjë e tillë është në frymën e klubit.

Klopp është vetëm që nga tetori pjesë e klubit nga Anfield Road, ndërsa beson se do të stabilizojë ekipin që të fitojë trofe ashtu siç kishte bërë me Dortmundin, të cilin e eliminoi në çerekfinale të Europa Ligës.

“Ndjej se ky klub ka fuqi. E ndjeva atë kur luajtëm kundër Dortmundit në Anfield, dhe e pashë atë në rrugë para ndeshjes. Besoj se ka disa klube që më shumë kanë gjasë të fitojnë trofe se të tjerët. Nuk e di prej nga vjen kjo, por e kam ndje të njëjtën edhe kur isha për herë të parë te Dortmundit”, është shprehur Klopp, raporton Goal.

Më tutje ai ka thënë se, “drejtori Sportiv i Dortmundit, Michael Zorc më ka thënë kur përballeshim me Leverkusenin se nuk duhej të shqetësohesha. Ai më tha se ata nuk do fitojnë sepse Leverkuseni kurrë nuk fiton asgjë, dhe se Dortmundi ishte klubi që fiton trofe. Këtë e ndjej edhe në Liverpool, dhe mendoj se edhe fansat e ndjejnë gjithashtu”.