Minnesota trondit Golden Staten, rekordi është i pasigurt! (Video)

Mbrëmë janë zhvilluar 11 ndeshje në kuadër të ligës më të fortë të basketbollit në botë, NBA.

Basketbollistët Golden State kanë bërë një hap pas në ndjekje të rekordit të sezonit 1995/1996, kur Chicago Bulls përfundoi kampionatin e rregullt me 72 fitore dhe dhjetë humbje.

Warriors kanë pësuar humbje para shikuesve të vetë nga një nga ekipet më të dobëta në ligë – Minnesota Timberwolwes, e cila korri fitore pas vazhdimeve prej pesë minutave me rezultat 124: 117, raporton Telegrafi.

‘Luftëtarët’ tani kanë bilanc prej 69 fitoresh dhe nëntë humbjeve, ndërsa kundër Wolwes kishin epërsi prej 17 pikësh.

Muhammad Shahbaz ishte basketbollisti më efikas te ekipi fitues me 35 pikë. Andrew Wiggins regjistroi 32 pikë, 5 kërcime dhe 4 asistime, ndërsa Karl-Tauns Anthony realizoi ‘double-double’ me 20 pikë, 12 kërcime dhe 4 asistime.

Më të mirët te Golden State Warriors ishin Klay Thompson me 28 pikë, Stephen Curry shënoi 21, por ka pasur statistikë për tu harruar të gjuajtjeve, përkatësisht vetëm 7 nga 25 përpjekje. Ai gjithashtu kishte 6 kërcime dhe 15 asistime.

Wolwes pas këtij triumfi kanë 26 fitore dhe 52 humbje, e cila ka bërë që mos të siguroj një vend për në fazën e ‘Play Off’. /Telegrafi/

Rezultatet tjera:
Philadelphia – New Orleans 107:93
Toronto – Charlotte 96:90
Atlanta – Phoenix 103:90
Miami – Detroit 107:89
Milwaukee Bucks – Cleveland Cavaliers 80:109
Memphis – Chicago 108:92
Denver – Oklahoma City 102:124
Utah – San Antonio 86:88
Sacramento Kings – Portland 107:115
L.A. Clippers – L.A. Lakers 103:81

https://www.youtube.com/watch?v=pdlWejfl8ek