Zbulohen ofertat e bastoreve për bastexhinjtë e Leicesterit

Një prej tyre hoqi dorë duke pranuar të marrë nga kompania e basteve 29 mijë sterlina (rreth 37 mijë euro) duke e anuluar bastin e vënë në fillim të kampionatit se Leicester City do të shpallej kampion.

Ai luante për 100 mijë sterlina. Megjithatë ka ende shumë që po rezistojnë.

Kompanitë e basteve i kanë ulur në maksimum kuotat për skuadrën e “dhelprave”. Përpara ndeshjes me Newcastle United (fituar 1:0 nga Leicester) kompanitë ofruan deri në 32 mijë euro që të anulonin bastet për fitoren e Ligës Premier nga skuadra e Claudio Ranierit.

Kujtojmë që në fillim të sezonit koeficienti ishte 5000/1.

Me gjithë ofertat e kompanive të basteve janë të paktë ata që kanë pranuar paratë. Disa prej tyre i kanë thënë “The Sun” se do të rezistojnë deri në fund.

Alex Donohue nga kompania Landbrokes tha se “po bëjnë gjithçka që bastexhinjtë të refuzojnë bastet, por deri tani janë të paktë ata që janë tërhequr duke pranuar ofertat. Në fund të sezonit bastet e tyre do të na kushtojnë pak”. /Telegrafi/