Njerëzit plotësojnë veten dhe egon e tyre në cilësitë dhe identitetin e një kafshe. Jo më kot zgjedhjet e tyre janë të ndryshme për të pasur e plotësuar një anë të tyre të karakterit.
Irsida Lalaj,
Psikologe klinike
Një qen, një mace, një zog apo një peshk? Në ditët e sotme të mbash një kafshë shtëpiake është kthyer në tendencë. Njeriu kafshët i zgjedh për të përftuar pre tyre dashuri, ngrohtësi dhe mbështetje. Ndërkaq, specialistët gjithnjë e më shumë theksojnë nevojën e pranisë së një kafshe në jetën e një fëmije.
Por, le ta lëmë mënjanë diskutimin mbi të mirat e të pasurit të një kafshe dhe të rrimë te zgjedhja që i bëjmë asaj. Ndryshe e thënë: Pse e zgjedhim një kafshë të caktuar? Çfarë tregon për karakterin e njeriut zgjedhja e një kafshe? Pse marrim një mace Angora dhe jo një qen Bulldog? Pse preferojmë një papagall në vend të një lepuri?
Në të vërtetë, zgjedhja ka të bëjë me atë që jemi ne… Pra, varësisht natyrës apo tipareve të karakterit tonë, ne zgjedhim një kafshë dhe refuzojmë një tjetër…
1 Njerëzit që preferojnë të mbajnë një mace janë njerëz me natyrë shumë të pavarur, që ecin vetëm, kanë një ritual të caktuar dhe janë njerëz socialë. Macet janë të ftohta, ruajnë distanca të largëta, janë të egra nga natyra, gjithashtu edhe të pabindura. Njerëzit që preferojnë të marrin një mace në shtëpinë e tyre janë mësuar me to, janë më afër tyre si karakter, pasqyrojnë elementët e vetes tek to dhe dinë si t’i trajtojnë.
2 Njerëzit që preferojnë të mbajnë një qen janë njerëz besnikë, që kërkojnë një mik të disponueshëm në çdo moment. Qeni është një qenie e pranishme, ndjen emocionet kur i zoti është i mërzitur dhe mundohet ta përkëdhelë, përpiqet ta bëjë atë të ndihet më mirë. Qeni gjithashtu është shumë social, është një shok i mirë që përmirëson humorin. Janë bërë studime dhe është dalë në konkluzionin se qentë rrisin nivelin e seretominës dhe ulin depresionin tek njerëzit e dëshpëruar. Kryesisht meshkujt zgjedhin një qen Bull-dog, tek i cili shohin një anë të karakterit të fortë, besnikëri dhe qëndrueshmëri. Nga ana tjetër, seksi femëror është më i butë dhe preferon qentë e vegjël si Çiuaua, Pekinez, të cilët i shikojnë si fëmijët e tyre, dhe krijojnë një lidhje tepër të afërt me ta.
3 Njerëzit që preferojnë të mbajnë peshq në shtëpi janë njerëz që nuk kanë kohë për t’ua kushtuar kafshëve. Një peshk është i heshtur dhe i kufizuar në lëvizje dhe nuk ka nevojë për përkujdesje të tepërta. Nga ana tjetër, peshqit janë të qetë dhe e rrezatojnë këtë te të zotët e tyre. Të ndjekësh lëvizjen e tyre nëpër akuarium krijon ndjesinë e relaksit.
4 Njerëzit që preferojnë të mbajnë një shpend, qoftë ky një papagall apo kanarinë, zakonisht janë natyra artistike. Ata mund të gjejnë kënaqësi dhe çlodhje tek dëgjojnë cicërimat e zogjve.
5 Njerëzit që preferojnë të mbajnë një lepur janë njerëz lozonjarë, me natyrë të përkëdhelur. Zakonisht, njerëzit qe mbajnë një lepur në ambientet e shtëpisë u krijojnë atyre kushte për ta mbajtur në një kafaz të vogël, për të qenë të sigurt. Si lepujt që mbahen në ambientet e shtëpisë dhe ata të egër kanë natyrë ledhatare. /Telegrafi/
Lufta Prigozhin - Putin
Më shumëSi ndryshon trupi i gruas pas humbjes së virgjërisë
Udhëzuesi i Kendall Jenner për veshjet pranverore? Pa një bluzë apo këmishë!
Njollat kafe?
A mund t’ju bien flokët nga përdorimi i tharësit të flokëve
Shëndeti i bebes: Uji është shkaktari i mundshëm i zhvillimit të ekzemës
Qindra emra shqiptarë dhe ilirë për fëmijën tuaj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë