DiCaprio dhe historia e tij në Oscar

Pavarësisht se ai është një nga më të famshmit dhe më të paguarit në industrinë filmike, është një çudi e madhe që Leonardo DiCaprio akoma nuk e ka fituar çmimin Oscar.

Në vitin 1994, ai u nominua për filmin “What’s eating Gilbert Grape”, në rolin e aktorit më të mirë në rol dytësor, por humbi përballe Tommy Lee Jones, për rolin e tij në filmin “The Fugitive”.

Në vitin 2005 konkurroi në kategorinë Aktori më i mirë për rolin në “The Aviator”, por humbi përballë Jamie Foxx.

Dy vite më vonë u kandidua në kategorinë Aktori më i mirë për filmin “ Blood Diamond”, por votuesit preferuan Forest Whitaker në “The Last King of Scotland”.

Në vitin 2014 sërish mbeti duarbosh, përkundër performancinë së tij fantastike në filmin e Martin Scorseses, “The ëolf of Wall Street”. Por humbi sërish përballë Matthew McConaughey për filmin “Dallas Buyers Club”.

Ky vit besohet të jetë i tij. Leo ishte fantastik me rolin e tij në filmin “The Revenant”, ashtu që shumëkush e konsideron favorit për ta fituar më në fund Oscarin.

Këta janë konkurrentët e tij këtë vit: Bryan Cranston (“Trumbo”), Matt Damon (“The Martian”), Michael Fassbender (“Steve Jobs”), Eddie Redmayne (“The Danish Girl”). /Telegrafi/