olicia e Kosovës, ditën e mërkurë, ka bërë kontroll në dy institucione financiare, në Graçanicë dhe në Mitrovicën e veriut, me dyshimin, siç është thënë, se ato institucione financiare kanë bërë shmangie të tatimit.
Zëdhënësi i Policisë së Kosovës, Baki Kelani, i ka thënë Radios Evropa e Lirë, se gjatë kontrollit në këto institucione financiare, ka marrë dokumentacionin për verifikim.
“Policia e Kosovës, së bashku me Bankën Qendrore dhe ATK-në (Administratën Tatimore të Kosovës), kanë realizuar një urdhëresë për kontroll që është lëshuar nga gjykata kompetente. Kontrolli ka pasur të bëjë me dyshimet për shmangie nga tatimi nga ai institucion financiar. Operacioni është realizuar në dy rajone, në Graçanicë dhe në rajonin e Mitrovicës së veriut”, ka thënë Kelani.
Ai ka shtuar se Policia e Kosovës, në bashkëpunim me dy institucionet tjera (Bankën Qendrore dhe ATK-në), kanë marrë disa dokumentacione, mbi bazën e dyshimit për shmangie tatimi dhe se ato tashmë po hetohen.
“Është procedurë të verifikimit dhe të hetimit të mëtutjeshëm. Ka pasur të intervistuar, por jo të arrestuar”, theksoi Kelani.
Megjithatë, aksioni i ditës së mërkurë i Policisë së Kosovës, në Graçanicë dhe Mitrovicë të veriut, ka pasur për qëllim që të parandalojë punën e bankave ilegale në Kosovë.
Zëdhënësi i Bankës Qendrore të Kosovës, Besnik Kada, ka konfirmuar për Radion Evropa e Lirë se të dy institucionet financiare, në Graçanicë dhe Mitrovicë të veriut, kanë qenë pjesë të Jugobankës nga Serbia, e cila nuk ka leje pune në Kosovë.
“Dje nga ana e Policisë së Republikës së Kosovës është kryer një aksion në selinë e “Jugobankës” në Graçanicë, në të cilin kanë asistuar zyrtarë të Bankës Qendrore të Republikës së Kosovës (BQK) të cilët kanë konstatuar se aktiviteti që ushtrohet nga “Jugobanka” në Graçanicë është në kundërshtim me nenin 5 të Ligjit Nr. 04/L-093 për Bankat, Institucionet Mikrofinanciare dhe Institucionet Financiare Jobankare, që ndalon përfshirjen në aktivitete bankare ose ndërmarrjen e çfarëdo aktiviteti financiar pa licencë të vlefshme të lëshuar nga BQK-ja”, ka theksuar Kada.
Ai ka shtuar se është konstatuar se aktiviteti i ushtruar nga “Jugobanka” në Graçanicë duhet të ndërpritet menjëherë, dhe se tashmë është marrë vendimi për një gjë të tillë.
Por, sipas tij, kontrolli në Mitrovicën e veriut, nuk ka shkuar siç ishte planifikuar.
“Në veri të Mitrovicës , ndërmarrja e veprimeve ka qenë e pamundur për shkak të rezistencës dhe pengimit që i është bërë personave zyrtarë , nga ana e stafit të Jugobankës dhe turma e njerëzve që ishte grumbulluar në atë moment”, theksoi Kada.
Ai ka shtuar se BQK-ja mbetet e përkushtuar që në bashkëpunim me institucionet relevante shtetërore të ndërmarrë masat adekuate ligjore ndaj çdo institucioni, që ushtron aktivitet financiar të palicencuar.
Vladeta Kostiq, kryetar i Graçanicës, ka konfirmuar se institucioni financiar, në të cilin Policia e Kosovës ka bërë kontroll, është filiale e Jugobankës.
“Ai është filial i Jugobankës dhe unë vërtetë nuk e di se çfarë letrash posedon Jugobanka. Por, pasi që unë kam pyetur, më kanë thënë verbalisht se ai filial, gjegjësisht Jugobanka nuk posedon licencë dhe kontrolli ka ndodhur për këtë shkak”, tha Kostiq.
Ai ka kritikuar mënyrën se si Policia e Kosovës ka bërë kontrollin, duke thënë se në raste të tilla policia “nuk duhet shkuar në një institucion me armë me tyta të gjata, me pancirë dhe me maska”, por duhet dërguar njerëzit nga agjencitë që janë të thirrura për kontrollin e institucioneve të tilla.
Sipas zyrtarëve të Bankës Qendrore të Kosovës, aktualisht në Kosovë ka institucione të licencuara që vijnë nga Serbia,siç është për shembull Banka Komerciale e Beogradit (Komercijalna Banka Beograd), e cila ka licencë të vlefshme nga BQK-ja dhe ajo ushtron veprimtarinë, si dhe i kryen të gjitha funksionet, duke respektuar legjislacionin në fuqi të Republikës së Kosovës.
Promo
Reklamo këtuLufta Prigozhin - Putin
Më shumëInformata të rëndësishme për konsumatorët e ujit në regjionin e Prishtinës
Rohde: CEFTA është zhbllokuar, tani e tutje Kosova do të përfaqësohet nga zyrtarët e saj e jo nga UNMIK-u
Kosova në CEFTA pa UNMIK, Hajdari thekson rëndësinë e qasjes së barabartë ekonomike dhe tregtare
Pensioni bazik rritet në 120 euro, i kontributpaguesve deri në 318 euro - ja nga sa do të marrin pensionistët pas rritjes prej 20 për qind
Qeveria miraton Projektligjin për Shërbimet e Pagesave
Si Vetura Scout ndryshoi mënyrën se si shqiptarët bëjnë shitblerje të veturave në Kosovë!
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Haradinaj: Bashkëpunojmë me të gjithë, edhe me Listën Serbe, por për Kurtin kryeministër nuk bëjmë koalicion
Dani Carvajal mund të mos luajë më futboll
Joseph me mesazh për Serbinë: Jeni me fat që e keni fqinj Albin Kurtin e jo liderin e Hamasit
Historia e errët e vëllezërve Menendez - çfarë dihet për rastin që po bën bujë në internet pas serialit të Netflix?
Man United ka vendimin për të ardhmen e Ten Hag
Përplasje me Netanyahu? Pentagoni thotë se ministri izraelit i mbrojtjes ka shtyrë vizitën në Uashington