Soni Malaj rikthehet në ekran, ja çka thotë pas ndarjes

Dy javë pas ndarjes nga jeta të babait të saj, Soni Malaj është rikthyer në spektaklin në të cilin është konkurrente “Në një javë.”

Edhe pse personalisht kishte menduar të tërhiqej nga ekrani, Soni tha se ishte këmbëngulja e familjes dhe e së ëmës ajo që e riktheu pranë publikut: “Ka qenë një vendim shumë i vështirë, sepse nuk jam akoma gati”, – tha ajo mes lotësh, por “ishte këmbëngulja e mamasë sime për të më sjellë këtu”, – shtoi këngëtarja, e cila në të njëjtën kohë falënderoi të gjithë kolegët e “Në një javë”, të cilët gjatë kësaj periudhe të vështirë i kanë qëndruar shumë afër dhe kanë
respektuar me maturi çdo vendim që do të merrte ajo.

Ndërkohë, moderatorja Arbana Osmani e uroi Sonin për rikthimin në spektakël duke vlerësuar më së shumti tek ajo “shpirtin e vendosmërisë.” Nga ana tjetër, edhe publiku i ka dhënë mbështetjen maksimale këngëtares, duke e renditur atë në krye të listës, me më shumë pikë se të gjithë konkurrentët e tjerë.
Bashkë me rikthimin në show, Soni ndau me të gjithë publikun edhe një mesazh: “Nga kjo botë nuk do marrim asgjë. Këtu do të lëmë disa gjëra të vogla që janë shumë të mëdha njëkohësisht. Vlerat dhe virtyti janë ato që mbeten. Le të bëhemi më të mirë”,– tha Soni me lot në sy.