Çfarë tunikash janë në modë këtë pranverë?

Tunikat janë rroba praktike, kurse këtë sezon atë janë më se në trend.

Pranvera e sivjetme do të jetë në shenjë të tunikave, thonë disenjatorët e modës, kurse trendët tanimë janë parë në sfilatat e ndryshme. Femrat i preferojnë tunikat, sepse ato janë multifunksionale: herët në pranverë vishen me pantallona, verës si fustane, apo edhe si bluza me fustane të gjata.

Tunikat thuajse i përshtaten çdo femre, ato mbulojnë ijët dhe arrijnë diku deri te gjysma e kofshëve. Janë të gjera, mund të përcjellin vijat e trupit të femrës, mund të kenë qepje krejtësisht të drejtë, apo të ngushtuara nën gjinj. Me lehtësi mbulojnë kilet e tepërta në vendet kritike, por kush dëshiron ta theksojë belin, atëherë këtë mund ta bëjë me një shirit të të njëjtit material, apo me ndonjë rrip të lëkurës.

Tunikat e kësaj pranvere janë të tejdukshme, nga materialet e holla, me çka bëhen edhe më elegante. Përpos tunikave njëngjyrëshe, të kaltra të errëta, të preferuara janë edhe ato me kombinim bardhezi dhe me dizajnë të mirë. /Telegrafi/