Ka ulur perdet Festivali Mbarëkombëtar i Komedisë që u organizua në Korçë për të parën herë, i quajtur ndryshe "KokoFest". Për tetë ditë me radhë performuan në skenë trupat teatrore nga Shqipëria dhe trevat shqipfolëse, duke sjellë në Korçë përpos publikut përherë artdashës, edhe qytetarë e njerëz të artit nga zonat e tjera të vendit.
Nata e fundit u kurorëzua me dhënien e disa çmimeve në nder të aktorit të madh korçar, Aleko Prodani, për të gjitha trupat teatrore pjesëmarrëse. Këto çmime u vendosën nga juria e këtij festivali e përbërë nga emra të njohur të teatrit, kinematografisë dhe humorit shqiptar si Ndriçim Xhepa, Yllka Mujo, Altin Basha, Rafet Abazi dhe Eftjola Laçka. Një nga çmimet speciale u dha nga "Birra Korça", e dalluar përherë në mbështetjen e artit dhe artistëve në rrugën e tyre.
Çmimi ishte për regjinë më të mirë dhe shkoi për regjisorin Ilir Bokshi, për shfaqjen "Një kafkë në Konemara". Një nga artistët protagonistë të kësaj shfaqjeje, Marin Orhanasi, tha: "Ky çmim është shumë i rëndësishëm, aq më tepër i shtohen vlerat kur jepet nga ‘Birra Korça’, si një mbështetëse e artit në të gjitha kohët". Një tjetër çmim special ishte ai që iu dha artistes Xheni Hallulli, si artistja e re më e mirë e këtij eventi.
"Ky çmim ka një vlerë të jashtëzakonshme për mua. Së pari për babin tim, i cili nuk është më, por më ka lënë kryevepër shpirtin e tij artistik, si dhe për profesorët e mi Altin Basha dhe Mario Ashiku", – tha aktorja Hallulli. Që prej 14 shtatorit u ngjitën me radhë në skenë trupa e Gjakovës me shfaqjen "Kolonel Zogu", Teatri i Prishtinës me shfaqjen "Ekspozita", Universiteti i Arteve me "Pse nuk rri për mëngjes" dhe "Parfumeria", trupa e Vlorës me "Mjalti i hidhur", trupa e Korçës me "Një kafkë në Konemara", Teatri i Fierit me shfaqjen "Harroje dashurinë", ai i Shkodrës me "Eldorados", Gjirokastra me "Jo të gjithë hajdutët vijnë për keq", trupa e Teatrit Eksperimental dhe e Teatrit të Metropolit, përkatësisht me shfaqjet "Djemtë gazmorë e "Nënat dhe bijat", si dhe e mbylli mbrëmjen e djeshme Teatri i Shkupit me pjesën "Gjymtimi". Më herët gjatë ditës së djeshme, aktorët pjesëmarrës nderuan figurën e të ndjerit Aleko Prodani në varrin e tij, ku vendosën buqeta me lule.
Marin Orhanasi: "Çmimi ‘Regjia më e mirë’ që mori shfaqja ku unë luajta ka një vlerë të jashtëzakonshme, sepse së pari na nderon punën tonë dhe së dyti, për faktin se është një çmim i dhënë nga ‘Birra Korça’, që e falënderoj pa masë për mbështetjen e saj, pasi është kthyer në traditë suporti që u jep vlerave të vërteta kjo birrë".
Zamira Kita: "Falënderojmë ‘Birra Korçën’, birrën simbol të qytetit tonë, që na ka mbështetur përherë në evente të ndryshme artistike. Asnjëherë nuk e ka lënë artin në baltë dhe ne ndihemi të privilegjuar nga mbështetja monetare e paçmuar e birrës më të mirë shqiptare".
Ndriçim Xhepa: "Ishte edicioni i parë dhe mund të them se Korçës i takon një festival i tillë, pasi zhvillohet në një qytet me traditë
LISTA E PLOTË E ÇMIMEVE TË DHËNA:
• Shfaqja më e mirë e festivalit: "Gjymtimi", e Teatrit të Shkupit
• Çmimi i karrierës: Robert Ndrenika
• Regjia më e mirë e festivalit: Ilir Bokshi, "Një kafkë në Konemara"
• Skenografitë më të mira: "Kolonel Zogu", "Gjymtimi"
• Artisti i ri më i mirë: Qëndrim Rihani
• Artistja e re më e mirë: Xheni Hallulli
• Aktorja më e mirë për rolin joprotagonist: Egzona Ademi
• Aktori më i mirë joprotagonist: Ylber Bardhi
• Aktorja më e mirë protagoniste: May-Linda Kosumovic
• Aktori më i mirë protagonist: Luan Ahmeti kulturore.
Vlera e këtij festivali shtohet, pasi emri i çmimeve të aktorit prestigjioz Aleko Prodani ia shton bukurinë dhe madhështinë këtij festivali. Disa vepra mund të ishin përzgjedhur edhe më mirë, por megjithatë si edicion i parë shkoi mrekullisht".
/GSH/BW/
Lufta Prigozhin - Putin
Më shumëShitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Pse çdo prind duhet të zgjedhë këpucët apo atletet Reebok në Melodia Px për fëmijët e tyre?!
Eksploro natyrën dhe ngjit majat me çizmet e duhura
Formësoje trupin me peshën Martes
Rehatohu n’plazh mirë dhe lirë
Për çfarë vibes je – Summer Vibes apo Good Vibes?
Më të lexuarat
Publikohen pamjet kur avokati Sokol Mëngjesi goditet me dorezë hekuri
Inteligjenca Artificiale parashikon çdo fitues të Topit të Artë deri në vitin 2038
Metoda ushtarake që ju mëson të bini në gjumë brenda pak minutave
Hummels shpërthen keq ndaj trajnerit të Dortmundit para finales me Real Madridin
Shkencëtarët besojnë se egjiptianët u përpoqën të shëronin kancerin 4000 vjet më parë
Kyle Walker shpjegon pse futbollistët mbulojnë gojën ndërsa flasin mes vete