Një muaj pas paraqitjes në Teatrin “Cantieri Teatrali Koreja” në Lecce të Italisë, shfaqja “Mësimi” e regjisorit Bekim Lumi, në interpretim të aktorëve Astrit Kabashi e Adriana Matoshi, sot udhëton drejt Napolit, ku në Teatrin Galleria Toledo, i cili e ka blerë këtë shfaqje, më 12, 13, 14 dhe 15 mars do t’i ketë katër repriza.
Galleria Toledo njihet si një nga stacionet e rëndësishme teatrore ndërkombëtare, në të cilin me shfaqjet e tyre janë paraqitur emra të njohur të artit skenik botëror, midis të cilëve edhe regjisori i shquar Peter Brook.
Ngjashëm me Lecce-n, udhëtimi drejt Napolit është rezultat i pjesëmarrjes së shfaqjes “Mësimi” në Festivalin Ndërkombëtar “Incontri Teatrali” në Lugano të Zvicrës në prill të vitit 2008, ku kjo shfaqje, bashkë me shfaqje të tjera zvicerane e italiane, është paraqitur para producentëve dhe menaxherëve nga vende të ndryshme të botës.
Gjatë paraqitjes së saj në Lecce, shfaqja “Mësimi” është mirëpritur me duartrokitje dhe ovacione nga publiku italian, ndërkohë që ajo, gjithashtu, ka tërhequr edhe vëmendjen e disa web faqeve dhe mediave të shumta të shkruara italiane, të tilla si: Corriere Della Sera, La Republica, Il Paese Nuovo, Corriere del Mezzogiorno, La Gazzeta del Mezzogiorno.
Shfaqja “Mësimi” është krijuar në shkurt të vitit 2002 në Teatrin “Dodona”. Nga kritika teatrore vendore kjo shfaqje është vlerësuar si një nga shfaqjet më të mira në Kosovën e pasluftës. Ajo, gjithashtu, është vlerësuar me tone të larta edhe nga kritika teatrore zvicerane.
Në tetor të vitit 2006, në një konkurrencë të fuqishme ndërkombëtare, në Festival Internazionale del Teatro, në Lugano të Zvicrës, shfaqja “Mësimi” është nderuar me Çmimin “Shfaqja më e Mirë”, ndërkohë që deri tash ajo është prezantuar edhe në disa festivale tjera me karakter ndërkombëtar në Francë dhe në Greqi.
Përndryshe, regjisori Bekim Lumi, i cili me poetikën e shfaqjeve të tij njihet si një artist minimalist, studimet për regji teatri i ka ndjekur dhe mbaruar në vitet 1992 – 1996 në Fakultetin e Artit Skenik (klasa e Agim Qirjaqit), në Akademinë e Arteve të Bukura, në Tiranë. Ai është autor i disa shfaqjeve të realizuara në Teatrin “Dodona” dhe në Teatrin Kombëtar të Kosovës. Në prill të këtij viti shfaqja e tij “Çifti Martin” do të marrë pjesë në Festivalin Ndërkombëtar Teatror “Incontri Teatrali” në Lugano të Zvicrës. /Telegrafi/
Lufta Prigozhin - Putin
Më shumë3 mars 1878: Traktati i Shën Stefanit dhe copëtimi i trojeve shqiptare
“Zhanret e gazetarisë”, libri i ri për praktikën dhe teorinë e shkrimit gazetar
Shqiptari në Maltë
Shqipëria merr 350 mijë dokumente të periudhës osmane
Kryeveprat e vjedhura nga nazistët
Piktura të rralla të shqiptarëve ndër shekuj (Foto)
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës