Curri e fton Ibraimin për ta përfaqësuar Kosovën

Mesfushori prishtinas ka ftuar sulmuesin shqiptar nga Maqedonia të përfaqësojë Kosovën në ndeshjet miqësore ndërkombëtare.

Kanë qenë 10 ditë bashkë te skuadra ukrainase Sevastopol, Besart Ibraimi dhe reprezentuesi i Kombëtares shqiptare të futbollit, Debatik Curri, dhe sa ishin bashkë kanë pasur mundësi të flasin edhe Kosovën dhe lejimin e saj nga FIFA për ndeshje miqësoret.

Me këtë rast Curri i ka bërë një ftesë Ibraimit që të vij dhe të luaj për përfaqësuesen e Kosovës, ndërsa sulmuesi shqiptar vetëm ka qeshur dhe ia ka kthyer shkurt: “Nëse është kësmet do të vij”. Besart Ibraimi deri më tani ka zhvilluar 7 ndeshje zyrtare me Kombëtaren e Maqedonisë në futboll.

Deri më tani disa emra të njohur të futbollistëve shqiptar nga Kosova kanë shprehur publikisht dëshirën e tyre për të luajtur për Kosovën në ndeshjet e ardhshme miqësore ndërkombëtare, ndërsa në të ardhmen as përzgjedhësi i Kosovës nuk ka përjashtuar mundësinë që në përfaqësuesën e Kosovës të afrohen edhe lojtarë shqiptar nga Maqedonia. /Sporti1/Telegrafi/