Hasi nuk ka asnjë kontakt me Januzajn

Besnik Hasi, zëvendëstrajner i Anderlechtit, ka folur sonte sërish për talentin e Manchester Unitedit, Adnan Januzaj. Ai ka thënë se nuk është në pozitë që t’i sugjeroj Adnanit se për cilën përfaqësues duhet të luaj.

“Të them të vërtetën nuk kam asnjë kontakt me familjen, e vërtetë është se ka stërvitur në Anderlecht Andani. I vetmi kontakt ka qenë kur ai kishte vendosur të shkoj në Angli, dhe klubi me kërkoi që të kontaktoj me babain e tij”, ka thënë ai për SuperSport.

“Edhe njëherë kam kontaktuar kur në media kishte dal lajmi se ai ka zgjedh klubin për lekë. Zgjedhja më e mirë është ajo që do të bëjë vetë ai dhe unë nuk i kam sugjeruara asnjë kombëtare. Unë nuk mund komentoj dëshirën e tij”, ka thënë Hasi.

Ai ka shtuar se mediat belge flasin gati çdo ditë për Adnanin. Hasi tha se u fol shumë për Januzajn kur FIFA vendosi t’i lejoj Kosovës ndeshjet miqësore ndërkombëtare.

“Ka presion të madh nga Belgjika që ai ta zgjedh kombëtaren blege”, ka thënë Hasi. /Tribuna/Telegrafi/