Bunjaki: Kosova është e hapur për të gjithë

Trajneri i përfaqësueses së Kosovës në futboll, Albert Bunjaki, ka thënë se të gjithë ata që dëshirojnë të përfaqësojnë shtetin e Kosovës pa dallim etnie, fetare apo tjetër e kanë derën e hapur.

Albert Bunjaki trajner i përfaqësueses së Kosovës ka pohuar se dyert e ekipi mbeten të hapura për të gjithë futbollistët pa marr parasysh cilit komunitet i takojnë.

“Ne duhet të kuptojmë se Kosova do ftojë lojtarët me potencial të mundshëm që ka pavarësisht ku ata gjinden apo kush janë. Kosova ka qeveritar të lartë të komunitetit serb dhe nuk kuptoj pse futbolli duhet jetë ndryshe. Madje në kombëtaren serbe sot ka lojtar që kanë origjinë shqiptare dhe kjo nuk i pengon askujt. Në Shqipëri kemi me shumë se 27 lojtar nga Serbia ne ligën e parë”, tha Bunjaki në një bisedë për sporti1.com.

“Kosova do ketë dyert të hapura për të gjithë ata që dëshirojnë të përfaqësojnë shtetin e Kosovës. Në punën time profesional kam takuar shumë lojtar dhe takoj të komuniteteve të ndryshme është normale. Mendoj se duhet largohemi nga logjika izoluese që së pari në kombe të bashkuara e pastaj në futboll duhet jetë e kundërta edhe për shumë kënd sot është e dhimbshme . Thjeshte duhet të mundohemi të ndajmë politikën nga sporti. Futbolli është vetëm lojë”, tha ai.

Bunjaki është deklaruar edhe në lidhje me shkrimin e botuar në gazetën serbe, Kurir, e cila aludon se po ftohen futbollistët serb. “Ftesë për loje nuk i kam bërë askujt deri më tani, por kjo nuk do thotë se nuk do bëhet”, tha ai. /Sporti1/Telegrafi/