Vit historik për Sigal Prishtinën

Klubi më i trofeshëm në basketbollin e vendit tonë, Sigal Prishtina të martën ka mbajtur një konferencën për shtyp, e fundit për vitin 2013.

Krerët e klubit prishtinas gjatë kësaj konferencën përmbyllëse për vitin që është në ikje, kanë prezantuar edhe projektet për vitin 2014.

Drejtori i Sigal Prishtinës, Florian Miftari, fillimisht ka përshëndetur gazetarët që sipas tij, gjithnjë po i përcjellin aktivitet e këtij klubi. Miftari ka thënë se viti 2013 ishte një vit shumë i suksesshëm për klubin “bardhekaltër”. Ai thotë se është i kënaqur me rezultatet e skuadrës së tij në Ligën e Ballkanike, madje sipas tij, është një sukses që nuk është pritur para fillimit të sezonit.

“Jemi mbledhur që të bëjmë një përmbyllje të vitit, mund të them shumë të suksesshëm duke marrë parasysh gjitha ndryshimet që janë bërë. Unë do të flas më shumë në aspektin sportive të infrastrukture për ndryshimet që ne kemi bërë. Sa i përket klubit tonë mund të them lirisht se ne kemi arritur një sukses të madh dhe sinqerisht nuk e kemi pritur në Ligën Ballkanike. Kemi zhvilluar shtatë ndeshje dhe i kemi fituar pesë nga to. Jemi lider në këtë ligë, duke përjashtuar Kumanovën e cila ka një lojë më shumë, dhe po të përfundonte sot Liga Ballkanike padyshim se ne do të ishim lider të kësaj lige duke marrë parasysh se duelin direkt e kemi fituar kundër Kumanovës. Sa i përket ekipës mund të them se jemi shumë të kënaqur, jemi shumë stabile dhe mendoj se më këtë ekipe edhe do të vazhdojmë”, ka thënë Miftari.

Ai mendon se të gjitha premtimet e dhëna gjatë verës janë realizuar, madje sipas tij, është bërë më shumë se sa që është premtuar. Miftari thotë se është i kënaqur me ndryshimet e bëra në Palestrën e Sporteve, por ai premton se kjo palestër do të jetë edhe më e mirë në vitin që po hyjmë.

“Sa i përket premtimeve që i kemi dhënë gjatë verës, mund të them lirisht se i kemi përmbushur një nga një, bile bile kemi bërë edhe më shumë pasi që e kemi ndryshuar komplet pamjen e sallës. Mendoj se në vitin 2014 salla do të ndryshoje akoma, por këtë do ta lë sekret dhe do të jetë një befasi që ju do ta shijon edhe vet. Për ndryshimet e bëra duhet falënderuar Ministrin e sportit e cila ka dhënë një kontribut të madh”, ka theksuar Miftari.

Ndërkohë, anëtari i Bordit të Sigal Prishtinës, Shkëlzen Fetiu, vitin që është në ikje e ka quajtur vit historik. Fetiu ka bërë të ditur se në vitin 2014 do të bëhet një ristrukturim i Shkollës së Basketbollit, në mënyrë që krijon sa më shumë talent të basketbollit.

“Mendoj se ky vit për klubin tonë ka qenë një vit historik, një vit me suksese, një vit që shpresojmë se vitin e ardhshëm do të jetë edhe më i suksesshëm. Duke e parë qe ne jemi munduar të bëjmë një ekip më cilësi të larta dhe duke e pa nevojën që tani të punohet edhe më shumë kemi vendosur që vitin e ardhshëm ta bëjmë ristrukturimin e Shkollës së Basketbollit. Do ta caktojmë një udhëheqëse, një person i cili do të jetë shumë më afër Shkollës së Basketbollit, grupeve të reja që janë në numër shumë të madh në qytetin tonë, një rini e cila e donë basketbollin dhe që është e përkushtuar rreth klubit tonë. Për këtë arsye ne kemi punuar që të zgjerohemi me infrastrukture duke marrë edhe palestra tjera në shfrytëzim dhe t’ia mundojmë së secilës lagje të kenë sa më afër palestrat për të ushtruar”, ka pohuar Fetiu.

Drejtuesit e Sigal Prishtinës besojnë se viti 2014 do të jetë edhe më i suksesshëm, sidomos në rrafshin ndërkombëtar. /KP/Telegrafi/