Llamkosi nuk i pagoi lojtarit si duhet

Konsiderohet si klubi më i organizuar aktualisht në Kosovë. Por, të premten ‘çaloi’. Fjala është për Llamkos Kosovën, klub ky i cili nuk ua dha rrogat e plota futbollistëve të vet. Lojtarët e kësaj skuadre e kanë marr vetëm nga gjysmë rroge, ndërsa për gjysmën tjetër, drejtuesit e klubit u kanë premtuar se do t’ua qesin nëpër xhirollogari shumë shpejt.

Lajmin e kanë e kanë bërë të ditur për Arenën futbollistët vushtrrias, e që është konfirmuar edhe nga drejtori sportiv, Ismet Munishi, i cili njëkohësisht është edhe trajner. “Po, është e vërtetë. Lojtarëve ua kemi dhënë nga gjysmë rroge, kurse gjysmën tjetër do t’ua japim pas vitit të ri”, tha për Arenën, Munishi.

“Fabrika Llamkos Galva Steel i ka disa telashe, dhe shkaku i kësaj nuk kanë dal rrogat e plota. Por, nuk ka vend për shqetësim, sepse shpejt do të shlyhet edhe pjesa tjetër e pagesave. Madje, prej janarit pagat e futbollistëve nuk do të kenë më asgjë të përbashkët me fabrikën, por vetëm me pronarin”, u shpreh Munishi, i cili tregoi se futbollistët janë treguar të mirë-kuptueshëm, për çka i ka falënderuar. /Tribuna/Telegrafi/