Trepça’89 në Skenderaj për ta rikthyer imazhin

Humbja në shtëpi në mesjave e Trepçës’89, përfundimisht ka dëshmuar se kjo skuadër ka probleme të mëdha sivjet. Ata në gara hynë me shumë ambicie derisa edhe dy javë përfunduar stinori vjeshtor ata e shohin vetën në vendin e 8 me vetëm 17 pikë të tubuara, zonë kjo që cila është e rrezikshme për mbijetesë.

“Minatorëve” kjo situatë mundet të i vështirësohet edhe më shumë këtë fundjavë, pasi që ata i pret një udhëtim shumë i vështirë në Skenderaj, ku ballafaqohen me njërën nga skuadrat më në formë në Superligë, Drenicën. “Kjo ndeshje është vendimtare për ne. Këtu mund ta kuptojmë nëse jemi skuadër për titull apo do të luftojmë për fund të tabelës. Unë kam besim në këtë skuadër dhe besojë se në këto ndeshjet e mbetura do ta tregojmë fytyrën tonë të vërtetë”, tha sulmuesi i Trrepçës’89, Kastriot Rexha.

Në anën tjetër kapiteni i Drenicës, Sami Geci e ka parasysh se e pret një sfidë e vështirë pavarësisht se Trepça’89 po kalon nëpër një situatë jo të mirë. “Do të mundohem të vazhdojmë serinë e rezultateve të mira. Trepça ‘89 ka ekip të mirë pavarësisht rezultateve jo të mira. Ka lojtarë cilësorë, kështu që duhet të jemi të kujdesshëm dhe pikët të mbesin në Skenderaj. Fitorja kundër mitrovicasve na përforcon synimet që të jemi në mesin e katër skuadrave të para”, tha Geci. Të gjitha ndeshjet fillojnë në ora 14:00. /Zëri/Telegrafi/

Superliga – java 15

e shtune

Drenica – Trepça’89

e diele

Drita – Feronikeli
Llamkos Kosova – Besa
Trepça – Fushë Kosova
Hysi – Prishtina
Hajvalia – Ferizaj