LAJMI I FUNDIT:

Sigal Prishtina-Trepça, kryendeshja e mesjavës

Sigal Prishtina-Trepça, kryendeshja e mesjavës

Skuadrat elitare në basketbollin tonë do të rikthen në këtë mesjave më disa ndeshje joshëse. Kryendeshja do të luhet nesër mbrëma në Pallatin e Rinisë dhe Sporteve në Prishtinë, ndërmjet Sigal Prishtinës dhe Trepçës.

Përballja e rivalëve të moçëm pritet te jep lojë të fortë, për faktin se sfidohen skuadrat që synojnë kreun e tabelës.

Prishtinasit janë duke shfaqur formë mjaft të mirë në këtë edicion të garave, dhe llogaritën favorit në duel me mitrovicasit, ndonëse “xehetarët” në Prishtinë nuk do të vijnë me flamur të bardhë.

Ndërkaq, kampionia e Kosovës, Peja nuk pritet të ketë punë të lehtë në ballafaqim me Dritën, derisa trajneri i ri i RTV 21, Arben Krasniqi debutimin në krye të kësaj skuadre do ta bëjë sonte në “Sezai Surroi” kundër Bashkimit. /Kosovapress/Telegrafi/


ETC Superliga

Sonte takohen:

18:00, Peja-Drita
19:00, Bashkimi-RTV 21

Nesër takohen:

18:00, Sigal Prishtina-Trepça
17:00, Besa-Kastrioti