Krasniqi: Dallim i ndjeshëm i futbollit Kosovë-Shqipëri

Ish-mbrojtësi i Prishtinës tani i Partizanit në një bisedë për sporti1.com, flet për aventurën e tij të parë jashtë futbollit kosovar.

Besnik Krasniqi gjatë verës pranoi sfidën e parë jashtë futbollit kosovar, duke nënshkruar kontratë me Partizanin e Tiranës, një skuadër me histori të madhe në futbollin shqiptar që është në kthim të famës pas problemeve që ka pasur në vitet e fundit.

Krasniqi, mbrojtës i Prishtinës tashmë ka fituar eksperiencat e para në futbollin shqiptar.

“Mendoj se jemi adaptuar mjaft mirë dhe na kanë pritur shumë mirë, çka është me rëndësi”, tha Krasniqi, për sporti1.com.

Ai flet edhe për dallimin ndërmjet futbollit të Kosovës dhe atij të Shqipërisë.

“Ekziston një dallim i ndjeshëm ndërmjet futbollit në Kosovë dhe Shqipëri, në kategorinë superiore luhet një futboll më i fortë, më i shpejtë dhe me përgatitje fizike në një nivel më të lartë”.

Krasniqi e pranon se skuadra nuk është duke kaluar formë të mirë, sidomos në dy javët e fundit. “Jemi të kënaqur, por jo aq sa duhet. Në dy xhirot e fundit nuk kanë ecur gjërat ashtu si është dashur, por shpresojmë të kalojë kjo sa më parë dhe të fillojmë me fitore”, tha ai. /Sporti1/Telegrafi/