Publikohet lista e gjyqtarëve dhe vëzhguesve të Superligës

Shoqata e Gjyqtarëve të basketbollit kosovar në mbledhjen e mbajtur të martën ku prezent ishte edhe nënkryetari Hajderin Zeka, sekretari Arbnor Rifati, dhe anëtarët e bordit ka zbuluar emrat e gjyqtarëve të cilët do të garojnë në ETC Superligën e Kosovës si dhe vëzhguesve të cilët do të përcjellin ndeshjet.

Duke qenë në dijeni se deri në fillimi të kampionatit kanë mbetur edhe pak ditë, shoqata u ka bërë thirrje gjyqtarëve që të përgatiten maksimalisht për fillim sa më efektiv e të suksesshëm. Njëherësh shoqata që gjyqtarët t’i respektojnë rregullat si dhe propozicionet e garave.

Gjyqtarët të cilët do të referojnë në Superligën e Kosovës në basketboll në listën A janë: Zeka, Pudarolli, Gashi, Vula, Mumini, Kurshumliu, Mehmeti, Raça, Ramadani, Goçak, Prebreza, Rifati, Hoxhaj, U. Hasani, H. Hasani, Çoçaj, Beqiri, Xhaka dhe Grezda.

Për dallim nga viti i kaluar ku numri i gjyqtarëve ishte 17, këtë vit listës iu shtuan edhe dy gjyqtarë të rinj. Ndërsa listën e vëzhguesve e përbejnë: Lepaja, Ramadani, Maloku, Rifati, Hoxha, Çeku, Ahma, Hoxha ,Koshi dhe Zekolli. /Tribuna/Telegrafi/