Janë kurorëzuar 12 herë në 12 vende të ndryshme, por nuk ndalen me kaq (Video)

Çifti kanadez, Karl Fink dhe Sandi Beug, janë të lumtur në jetën e tyre bashkëshortore, por nuk e duan rutinën. Prandaj ky çift, nga Las Vegasi deri Ishujt Faroe, në 12 vende të ndryshme të botës ka kryer 12 kurorëzime, por ata nuk do të ndalen me kaq.

Karl (65) dhe Sandi (55) kanë vendosur që çdo vit në një vend tjetër të kryejnë ceremoninë e kurorëzimit. Këtë e kanë bërë 12 herë nga viti 2004 kur për herë të parë janë kurorëzuar.

Dasmën e parë e kisin organizuar në tri shtete: në Afrikën e Jugut-prej nga është prejardhja e Sendy, në Gjermani-vendlindjen e Karlit dhe në Regina, qytetin kandaez ku ata jetojnë, transmeton Telegrafi.

“Ishte një përvojë fantastike kulturore”, thotë Sandi, duke potencuar se të gjitha kurorëzimet i kanë bërë sipas riteve të vendeve ku ata e kanë kryer këtë ritual.

“Kurorëzimi ynë i 13-të ‘fatlum’, sipa stë gjitha gjasava do të bëhet në Mongoli”, ka paralajmëruar Karl.

Ai tha se këtë nuk e bëjnë për të hyrë në libër të Guines-it, por pse kjo i bën të ndjehen mirë dhe është një lloj argëtimi. /Telegrafi/