Martohet me katër gra përnjëherë, paguan 33 lopë për to

Një biznesmen nga Republika Jugafrikane në të njëjtën kohë është betuar për dashuri të përhershme me katër gra, të cilat në të njëjtën kohë kanë thënë se do ta duan edhe në të mirë edhe në të keq.

Pjesëtari 44-vjeçar i fisit Zulu Milton Mbele është bërë bashkëshort i femrave prej 22 deri në 35 vjeç në fshatin Ntlane dhe pohon se që të katërtat i do njësoj.

Nuset me një zë kanë dhënë betimet e tyre dhe janë obliguar për dashuri të përjetshme ndaj burrit të tyre.

Poligamia është një gjë e shpeshtë në rajonin e Kwa-Zulu Natal prej ku vijnë edhe të porsamartuarit e lumtur. Presidenti i Republikës Jugafrikane, gjithashtu pjesëtar i fisit Zulu, ka tri gra, mirëpo nuk është e zakontë që të bëhen kurorëzime njëkohësisht me më shumë se një grua.

Katër nuset Thobile Vilakazi, Zanele Langa, Baqinisile Mdlolo e Smangele Cele njihen edhe më herët me njëra tjetrën dhe kanë pranuar në këtë ceremoni.

Mbele ka paguar për gratë e tij 33 krerë lopë.

Më e shtrenjta ka qenë Vilakazi për të cilën ka paguar 10 lopë, derisa më e lira ka qenë Langa për të cilën i ka dhënë shtatë, derisa për dy tjerat ka paguar nga tetë.

”Nuk shohim asgjë të pazakontë në këtë ceremoni, e duam dhe kemi vendosur të martohemi për të njëkohësisht”, ka thënë Cele.

”Poligamia është pjesë e kulturës tonë. Nuk është adet të martohemi me disa gra përnjëherë, por këtë e bëj sepse i dua të gjitha”, ka thënë Mbele.