Djaloshi trillon kidnapimin për shkak të notave të dobëta

Djaloshi njëmbëdhjetëvjeçar ka trilluar kidnapimin e tij vetëm sa për të mos informuar anëtarët e tij të familjes për notat e tij të dobëta. Nxënësi ka pohuar se një mashkull në automjet të kuq e ka grabitur pasi që ka dalë nga shkolla në Huntsville të Alabamas, dhe e ka shtyrë të hyj në automjetin e tij.

Policisë i ka thënë se mashkulli ka qenë i armatosur dhe i ka thënë: "Do të dërgoj në një vend dhe do të vras".

Djaloshi ka thënë se ka arritur të kërcejë nga automjeti, duke e lënë çantën e tij të shkollës në ulëse, në të cilën ka qenë libreza me nota, dhe ka ikur me vrap tek shtëpia e gjyshes dhe gjyshit të tij.

Rreshteri Mark Roberts ka thënë ka dyshuar automatikisht kur e ka parë se djaloshi ka arritur të merr me vete instrumentin muzikor që kishte me vete, por jo edhe çantën.

Problematiku 11-vjeçar pas një kohë ka pranuar se ka trilluar tërë tregimin për të fshehur notat e dobëta. Gjyshi i tij më pas e ka thirrur policinë për t’u kërkuar falje për sjelljen e nipit dhe u ka sqaruar se kidnapimi në fakt nuk ka ndodhur fare.

Policia thotë se nuk do të ndërmerr ndonjë hap ligjor kundër deklaratës së rrejshme të djaloshit.

Sido që të jetë, çanta e shkollës dhe libreza me nota ende nuk janë gjetur, raportojnë mediat lokale.