Shitja vjetore e nuseve në Bullgari

Të veshura me rrobat me të mira të cilat i kanë pasur dhe me shumë stoli ari në vete, qindra rome tinejxhere kanë bërë sfilatë në të hapur fundjavën e kaluar. Me shumë makijazh në fytyrë ato kanë ardhur në ceremoninë tradicionale të shitjes së nuseve në Bullgari, duke shpresuar se do të gjejnë ndonjë burrë të mirë.

Ai që dëshiron të blej nusen e tij duhet tu paguaj një shumë bukur të majme prindërve të saj. Secila nuse dëshiron burrë të pasur.

"Ne i dërgojmë bijat tona në këso tubimesh në mënyrë që djemtë të mund t’i shohin, sepse nuk u lejojmë fëmijëve tonë të shkojnë nëpër diskoteka", ka sqaruar Elena nga qyteti bullgar Kapitan Andreevo.

Ky pazar i çuditshëm gjendet në fshatin Mogila. Çmimi i një nuse është disa mijëra euro, konfirmojnë prindërit e tyre krenarë.

Në ceremoni nuk marrin pjesë vetëm bijat dhe prindërit, por aty çdo vit tubohen të afërmit e tyre për të luajtur, për të ngrënë ëmbëlsira dhe për të parë të porsamartuarit se si vallëzojnë mbi automjete, të cilët në atë mënyrë shfaqin lumturinë e tyre.

Këtë vit rreth 2.000 romë nga pjesët jugore të Bullgarisë janë tubuar në këtë ceremoni.