Evropa Lindore shpëton prodhuesit e prezervativëve

Prodhuesit evropianë të prezervativëve nuk i brengos shumë kriza ekonomike globale, pasi që kanë vlerësuar se njerëzit, posaçërisht ata në lindje të Evropës, për shkak të vështirësive ekonomike nuk do të heqin dorë nga seksi.

Derisa investitorët nga industria e automjeteve apo nga fushat tjera po heqin dorë nga investimet e planifikuara në pjesën post-komuniste të Evropës, prodhuesi britanik i prezervativëve SL pikërisht aty planifikon të bëj investime të mëdha.

Përllogaritja është e thjeshtë – hulumtimet tregojnë se rusët, polakët, bullgarët dhe evropianët tjerë lindorë për shkak të krizës nuk heqin dorë nga jeta intime, e për faktin që testimi për sëmundjen e AIDS nuk është i shtrirë si në Perëndim, ata më shpesh përdorin prezervativë sesa në pjesët tjera të Evropës.

SL hapin e parë veçmë e ka bërë në Rusi, ku në prill ka blerë 15.5 për qind të aksioneve të prodhuesit të atjeshëm më të madh të prezervativëve, e tani ka për qëllim të blejë edhe 34.6 për të aksioneve dhe të investojë rreth 200 milionë euro.