Policia e pret të dyshuarin të martohet

Policia në një qytet kinez kanë pritur jashtë shtëpisë së dyshuarit për dy ditë rresht që të mos ia prishin martesën e tij.

Policët e qytetit Sanjiang kanë thënë se kanë dashur të shpëtojnë dhëndrin, nusen dhe të dy familjet nga turpërimi para mysafirëve të tyre.

I dyshuari, Leng Qiang, ka qenë në kërkim të policisë për dy vjet rresht për plaçkitje të një klubi të natës, raporton e përditshmja kineze West China City.

"Kemi marr informacion se kishte një të dashur të re dhe se kishte gjasa se po fshihej tek ajo", ka thënë Guo Feng, drejtor i komisariatit të policisë së qytetit.

"Kur arritëm në vendin e ngjarjes, u habitëm kur kuptuam se familja e nuses ishte duke u përgatitur për ceremoninë e martesës, dhe për më shumë nusja shihej qartazi se ishte shtatzënë".

Guo ka thënë se kishin vendosur të presin për ta arrestuar të dyshuarin derisa martesa të mos përfundonte, në mënyrë që të evitojnë turpërimin e familjes së nuses.

Pasi që martesa u krye, policia vendosi që çifti i porsamartuar fillimisht të kënaqet në natën e tyre të parë të martesës, dhe më pas të arrestojnë të dyshuarin në mëngjes.

"Kur u futëm në shtëpi mëngjesin e nesërm, i dyshuari ende po flinte", ka thënë Guo.

Nusja kishte thënë se kurrë se kishte ditur që bashkëshorti i saj ishte i kërkuar nga policia, dhe kishte thënë se “tani ishte tepër vonë për ta marrë lajmin".