0Shares

Takimi i sotëm i liderëve të partive politike për reformën zgjedhore ka rezultuar me vetëm një marrëveshje, atë për shkurtimin e fushatës parazgjedhore nga 30 ditë sa ishte më parë, në 15 ditë.

Këtë vendim e ka kundërshtuar vetëm Lëvizja Vetëvendosje, sipas së cilës fushata parazgjedhore do të duhej të mbetej në 30 ditë.

Në këtë takim, gjithashtu është marrë vendimi për vetëm një zonë zgjedhore, por nuk është arritur marrëveshje sa u përket listave zgjedhore, përbërjes së KQZ-së dhe Pragut zgjedhor, raporton KP.

Kryetari i PDK-së Hashim Thaçi dhe ai i LDK-së Isa Mustafa, kanë thënë se janë përkrahës të listave të hapura, por kjo çështje ka mbetur për tu diskutuar. /Telegrafi/

Portali Telegrafi ka kënaqësinë t'u ofrojë forum të lirë për komente dhe diskutim. Fyerjet dhe përdorimi i fjalëve banale, do të pasoj me përjashtim të menjëhershëm nga komentimi. Ju lutem lexoni rregullat këtu.

Shfaq Komentet (0)