Zvogëlimi i masës trunore

Shkencëtarët amerikanë nga Massachusetts kanë njoftuar se sa më i madh të jetë konsumimi i alkoolit aq më shumë zvogëlohet masa trunore.

Hulumtuesit amerikanë kanë studiuar më shumë se 2.000 të rritur deri në moshën 60-vjeçare, me ç’rast me anë të rezonancës magnetike (MRI) kanë matur vlerat e alkoolit të pranishëm në trurin e participantëve. Pastaj nga secili është kërkuar ta plotësojnë një formular mbi shprehitë jetësore ku i është dhënë rëndësi, sidomos alkoolit.

Duke u nisur nga faktori i moshë, gjini, niveli i dijes dhe situata social-ekonomike, si dhe duke marrë parasysh që volumi i trurit vetvetiu, pëson një rënie fiziologjike me kalimin e kohës.

Rezultatet kanë treguar se me rritjen e numrit të gotave të pijeve alkoolike që konsumohen brenda një jave, masa e trurit zvogëlohet dhe njëkohësisht edhe funksionet trunore bien.

Një tjetër element i cili ndikon në zvogëlimin e masës trunore është mungesa e vitaminës B12, e cila veç tjerash është e lidhur edhe me disa çrregullime nervore.

Studiuesit britanikë kanë zhvilluar një hulumtim të ri dhe kanë arritur të konstatojnë se sasia e pamjaftueshme e vitaminës B12 në gjakun e të moshuarve shkakton zvogëlimin e masës trunore.

Këto të dhëna bazohen në studimin pesëvjeçar me një numër vullnetarësh të shtyrë në moshë (mbi 70-vjeçare), studim ky që ka treguar se vëllimi më i vogël trunor kishte qenë te personat te të cilët niveli i vitaminës B12 në gjak kishte qenë më i ulët. /Telegrafi/