Zbardhni dhëmbët me preparate shtëpiake

Që dhëmbët tuaj të jenë të bardhë nuk është e domosdoshme që të shmangni kafenë e mëngjesit dhe cigaren. Një herë në javë dhëmbët mund t’i zbardhni me anë të ushqimeve të cilat sigurisht që i keni në shtëpi.

Buzëqeshjen e bukur nuk e sigurojnë trajtimet e shtrenjta të zbardhimit të dhëmbëve. Po ashtu, nuk do të thotë se dhëmbët tuaj do të duken bukur nëse nuk e pini duhanin apo nuk pini kafe. Mësoni se si t’i zbardhni dhëmbët nga preparatet të cilat mund t’i përgatitni vetë në shtëpi!

Soda e bukës
Kjo mënyrë e zbardhimit të dhëmbëve praktikohet me vite. Përzieni një lugë me sodë bikarboni, pakëz kripë dhe disa pika të uthullës së mollës. Përgatitja e fituar duhet të shkumojë. Vendoseni atë në brushën e dhëmbëve dhe lani dhëmbët ngjashëm sikurse bëni me pastë. Pas kësaj dhëmbët lani me pastë të zakonshme. Me sodë bikarboni dhëmbët lani vetëm njëherë në javë.

Uthulla e mollës
Mos e teproni me uthullën e mollës, sepse në sasi të madhe mund ta dëmtojë smaltin dhëmbëve. Me qëllim që të shmangni këtë komplikim, një lugë uthulle të mollës përziejeni me pak ujë. Në kombinim me ujin, uthulla e mollës nuk është aq e fuqishme, ndërsa pas vetëm disa trajtimeve, dhëmbët tuaj do të jenë të bardhë. /Telegrafi/