Xhambaski: Maqedonizmi është sulm politik kundër Bullgarisë e shpikur në Beograd

Partia parlamentare bullgare OBRM BND ka dënuar edhe një herë një rezolutë të Parlamentit Evropian që kritikon sundimin e ligjit në vend, i cili sipas mendimit të elitës qeverisëse Bullgare flet për Konventën e Stambollit dhe njohjen e pakicës maqedonase në vend të korrupsionit.

Sipas eurodeputetit nga radhët e OBRM BND, Angel Xhambaski, një rezolutë e tillë negative që prek temën në lidhje me Shkupin, ata po përpiqen ta përdorin në qarqet politike afër Serbisë, Maqedonisë së Veriut dhe Rusisë.

“Por ju do të shihni forca të lidhura me Beogradin dhe një kryeqytet tjetër pak më në veri, ku maqedonizmi u shpik si një sulm politik ndaj Bullgarisë (nënkupton Moskën, ku, sipas Xhambaskit, idetë anti-bullgare të Kominternit u shfaqën në vitet 1930). Ata do të përdorin dispozitat e rezolutës kundër nesh. Ju mund të shihni se paralelisht me diskutimet në Parlamentin Evropian, flitet se si Bullgaria duhet të zgjidhë çështjen e abuzimit të historisë bullgare në Maqedoni”, tha politikani për “bTV”.

Në një rezolutë të miratuar me 358 vota pro dhe 277 abstenime, eurodeputetët shprehën “mbështetjen e tyre të qartë për popullin bullgar në kërkesat e tyre dhe aspiratat legjitime për drejtësi, transparencë, llogaridhënie dhe demokraci”./Telegrafi/