Vetura godet gjashtëvjeçaren që po luante në pompën e derivateve dhe e fut nën rrota, por shpëton mrekullisht me lëndime të lehta (Video, +18)

Prindërit e një vajze gjashtëvjeçare kanë mësuar shumë nga një ngjarje e tmerrshme, që u ka treguar se si kurrë nuk duhet lejuar fëmijën të luaj në pompën e derivateve.

Kamerat e sigurisë të instaluara në shtyllat elektrike, kanë filmuar momentin kur një vogëlushe goditet nga një veturë derisa po qëndronte e gjunjëzuar dhe e fut nën rrota, transmeton Telegrafi.

Por, mrekullisht ajo i ka shpëtuar më të keqes me vetëm disa lëndime të lehta.

Vajza e vogël Amanda Fahrunisa ishte duke shëtitur me motoçikletë me prindërit e saj dhe motrën e madhe në Ëest Java të Indonezisë, kur gjatë një ndalese në pikën e karburantit u godit nga vetura.

Në video shihet se si ajo qëndron e gjunjëzuar duke luajtur, derisa prindërit e saj po e mbushnin rezervuarin e motoçikletës për të vazhduar rrugëtimin e tyre.

Në atë momentin shfaqet një veturë e tipit BMW, ku shoferi  i saj nuk arrin ta sheh vajzën që ishte gjunjëzuar në asfalt dhe e godet duke e futur nën rrota.

Por, pas intervenimit të kalimtarëve të rastit të cilët e nxorën me shpejtësi nga rrotat e veturës dhe e dërguan me urgjencë në spital, ajo ka shpëtuar me vetëm disa mavijosje në trup. /Telegrafi/