Vdes kongresmeni demokrat, Alcee Hastings

Ligjvënësi demokrat, Alcee Hastings, një aktivist për të drejtat civile dhe anëtari me jetëgjatë i delegacionit të kongresit të Florida, ka vdekur në moshën 84-vjeçare, tha shefi i tij i stafit Lale M. Morrison të martën për CNN-ën.

Në janar 2019, ai njoftoi se po trajtohej për kancer të pankreasit dhe planifikoi të qëndronte në Kongres gjatë trajtimit, duke e quajtur atë “një betejë që ia vlen të bëhet”. Vdekja u raportua së pari të martën nga South Florida Sun Sentinel.

Hastings filloi së pari të shërbejë në Dhomën e Përfaqësuesve të SHBA-së në vitin 1993 dhe ka qenë një anëtar i Komitetit të Rregullave të Dhomës dhe Grupit me ngjyrë të Kongresit.

Kryetari i Dhomës së Përfaqësuesve, Nancy Pelosi i dha nderime kongresmenit të ndjerë në një deklaratë, duke thënë, “Të gjithë ata që e njihnin Alcee e njihnin atë si një kampion për më të prekshmit në kombin tonë”.

“Si një avokat, aktivist i të drejtave civile dhe gjykatës, dhe gjatë gati tridhjetë viteve të tij në Kongres, ai luftoi pa u lodhur për të krijuar mundësi për të ngritur familjet që punojnë, komunitetet me ngjyrë, fëmijët dhe emigrantët”, tha Pelosi.

Hastings u emërua në stolin federal të Floridas nga ish-presidenti, Jimmy Carter në vitin 1979 dhe u bë afrikano-amerikani i parë që u emërua në pozitën e gjykatës federale të shtetit. /Telegrafi/