Vazhdon telenovela Tea-Veseli

Alba dhe Fabiani pas bisedës që patën, shkojnë në dhomën e gjumit të “Big Brother Albania 8”.

Alba ngacmon Veselin dhe Tean. Ishte e mjaftueshme që Veseli të fillojë sërish provokimet e tij kundrejt Teas. Ai dhe Alba shtrihen në një shtrat me Tean dhe shkëmbejnë batuta që sjellin të qeshura në shtëpi, por jo vetëm.

Banorët që janë në gjumë ankohen nga mungesa e qetësisë, po Alba dhe Veseli nuk ndalën. Ata hidhen sipër Teas dhe luajnë. Ajo mes të qeshurash i kërkon Veselit që të largohet prej andej. Djali nga Prizreni është kurdoherë i shoqëruar nga xhentilesa. Ai largohet nga shtrati i Teas për të mos sjellë bezdi, por gjithsesi bashkon krevatin e tij me të sajën.

Veseli dhe Alba vazhdojnë të luajnë. “Vesel shko fli me Fabin” i kërkon Tea. Veseli sigurisht largohet, por nuk harron të lexojë mimikën e saj që i lë të kuptojë të kundërtën. Veseli futet në rol. Ai bën si i mërzitur dhe rregullon shtratin afër Fabianit për të fjetur, por çdo lëvizje e bën me humor dhe Alba e shoqëron me tekst.

Banorët kërkojnë qetësi dhe ata ndalojnë pas diskutimit të Albës me Eleonorës, ku Eleonora kërkon qetësi, ndërsa Alba vazhdon që të komentojë sjelljet e Veselit.