Ushqimin që e varrosi në kopsht, burri vendosi ta hante pas 14 muajsh

Një burrë varrosi një hamburger në kopshtin e mikut të tij dhe e hëngri atë më shumë se një vit më vonë.

Sipas mediave të huaja, përcjell Telegrafi, Matt Nadin, 40 vjeç, nga Barnsley, South Yorkshire, gjithmonë ka qenë krenar për aftësinë e tij për të ngrënë ushqim “me afat të skaduar”.

Por, siç thuhet më tej, ai kishte vendosur që ta shtyjë ‘talentin’ e tij deri në kufi, për të festuar ditëlindjen e tij të 40-të.

Babai i tre fëmijëve fillimisht bleu vaktin e ushqimit të shpejtë – i përbërë nga një Big Mac dhe jo vetëm – pak para se të kthehej 39 vjeç në nëntor të vitit 2018.

Ai më pas bëri një gropë në oborrin e shtëpisë së mikut të tij Andy Thompson dhe varrosi ushqimin në një kuti.

Menaxheri i shitjeve synonte ta gërmonte atë në kohë për ditëlindjen e tij të 40-të në nëntor 2019, por gjeti vetëm kohë për ta rikthyer atë kohët e fundit – do të thotë pas 14 muajsh.

Pamjet e neveritshme të postuara në kanalin YouTube të Matt dhe Andy, Beeper Beef, tregojnë se atë duke provuar të përpijë vaktin.

Siç bëhet e ditur, u deshën 20 minuta në përgjithësi që ai ta konsumonte patatet e skuqura të mbuluara me myk, mishin nga Big Mac dhe qumështin me çokollatë që dukej “si i papastër”.

Sidoqoftë, Matt ka këmbëngulur që disa nga ushqimet nuk ishin aq të tmerrshme sa priste. /Telegrafi/