LAJMI I FUNDIT:
Mitrovica 22° partlycloudy_day

Tre muaj pas përurimit, nis asfaltimi i rrugës dhe oborrit të QKMF-së së re në Mitrovicë

Tre muaj pas përurimit, nis asfaltimi i rrugës dhe oborrit të QKMF-së së re në Mitrovicë
Nis asfaltimi i rrugës dhe oborrit të QKMF-së së re në Mitrovicë, më 14.03.2025. Foto: Blinera Mehmeti/Telegrafi

Sot ka filluar asfaltimi i rrugës dhe oborrit të Qendrës Kryesore të Mjekësisë Familjare “Nexhat Çuni” në Mitrovicë, tre muaj pas përurimit të QKMF-së.

Asfaltimi do të bëhet deri tek rruga kryesore “Bislim Bajgora”, kështu ka bërë të ditur drejtori i Drejtorisë së Shëndetësisë në Komunën e Mitrovicës, Fahri Shabani.

“Besoj që shtresa e parë e asfaltit, sot kryhet deri në fund të ditës. QKMF-ja do të ketë qasje me rrugë të rregulluara, nga rruga ‘Bislim Bajgora’ deri në oborr”, ka thënë Shabani për Telegrafin.


Më tej, ai ka bërë të ditur se gjatë muajit prill pritet të fillojnë shërbimet mjekësore në QKMF-në e re, shkruan Telegrafi.

Pamje nga punimet në oborrin e QKMF-së, më 14.03.2025. Foto: Blinera Mehmeti/Telegrafi

“Besoj që gjatë muajit prill do të fillojnë shërbimet mjekësore në QKMF-në e re, një datë të caktuar nuk mund të jap. Në ndërkohë, zhvendosja e stafit dhe shërbimeve do të bëhet përmes një plani dinamik, gradual, hap pas hapi, në mënyrë që shërbimet mjekësore të mos ndërprehen në asnjë minutë”, ka përfunduar drejtori i Drejtorisë së Shëndetësisë në Komunën e Mitrovicës, Fahri Shabani.

06.01.2025 është përuruar Qendra Kryesore e Mjekësisë Familjare “Nexhat Çuni” e re në Mitrovicë, e cila është tetë mijë e 500 metra katror, derisa ka podrumin, katin përdhesë dhe tre kate.

Vlera totale e këtij investimi ishte 6 milion e 16 mijë e 853 euro, transmeton Telegrafi.

Pamje nga këto punime, më 14.03.2025. Foto: Blinera Mehmeti/Telegrafi

80 për qind e shumës ishte donacion nga shoqata “Jetimat e Ballkanit” dhe 20 për qind investim i Komunës së Mitrovicës.

Pamje nga këto punime, më 14.03.2025. Foto: Blinera Mehmeti/Telegrafi

Drejtori i Drejtorisë së Shëndetësisë në Komunën e Mitrovicës, Fahri Shabani, pati thënë se kjo qendër mjekësore ofron kushte të mira të punës, hapësira të mjaftueshme dhe qasje të lehtë për pacientët.

Edhe atëherë, Telegrafi pati raportuar se përkundër përurimit të QKMF-së, rruga dhe oborri nuk ishin të asfaltuar. /Telegrafi/

Në trend

Më shumë
Grenell thotë se Smith e ngriti aktakuzën ndaj Thaçit, pasi kishte marrë informata të ndjeshme nga një zyrtar amerikan

Grenell thotë se Smith e ngriti aktakuzën ndaj Thaçit, pasi kishte marrë informata të ndjeshme nga një zyrtar amerikan

Lajme
Moment tejet prekës gjatë sfidës së mosreagimeve: Gerta shikon djemtë e saj duke luajtur në oborr

Moment tejet prekës gjatë sfidës së mosreagimeve: Gerta shikon djemtë e saj duke luajtur në oborr

Magazina
Këshilltari i Trumpit tregon se cilin territor, Ukraina do të duhet t'ia dorëzojë Rusisë

Këshilltari i Trumpit tregon se cilin territor, Ukraina do të duhet t'ia dorëzojë Rusisë

Evropa
Dramë në rrugët e Beogradit - automobili shkel me veturë protestuesit anti-Vuçiq

Dramë në rrugët e Beogradit - automobili shkel me veturë protestuesit anti-Vuçiq

Serbia
Fotografi e rrallë e komandantit legjendar, historiani Abdullahu: Adem Jashari, në rëndomtësinë e autenticitetit të tij

Fotografi e rrallë e komandantit legjendar, historiani Abdullahu: Adem Jashari, në rëndomtësinë e autenticitetit të tij

Lajme
Gazetarja e godet pahiri me mikrofon, Trump: E patë këtë - ky do të jetë lajmi kryesor në të gjitha kanalet

Gazetarja e godet pahiri me mikrofon, Trump: E patë këtë - ky do të jetë lajmi kryesor në të gjitha kanalet

Fun
Kalo në kategori