Thaçi kërkon propozime për personalitetet që meritojnë Medaljen e Dhjetëvjetorit të Pavarësisë

Presidenti i Kosovës, Hashim Thaçi, në kuadër të kompetencave të tij kushtetuese dhe ligjore do të nderojë personalitete të ndryshme me Medaljen Presidenciale Jubilare për Dhjetëvjetorin e Pavarësisë.

Në njoftimin për media thuhet se në kuadër të kompetencave të tij kushtetuese dhe ligjore Presidenti do të nderojë personalitete të ndryshme me Medaljen Presidenciale Jubilare për Dhjetëvjetorin e Pavarësisë.

“Duke pasur personalitete të shumta, si vendore, ashtu edhe ndërkombëtare, që kanë kontribuar për pavarësinë dhe shtet-ndërtimin tonë gjatë dekadës së parë të pavarësisë, presidenti Thaçi i fton institucionet publike, organizatat e shoqërisë civile dhe qytetarët, që të kontribuojnë me propozimet e tyre për personalitetet që vlerësojnë se duhet të dekorohen me këtë medalje”, thuhet në njoftimin për media.

Të gjithë ata që duan të kontribuojnë me propozime, luten që ato t’i arsyetojnë dhe dërgojnë në adresën e Komisionit Vlerësues për Dekorata: dekoratat@president-ksgov.net;

Siç bëhet me dije presidenti Thaçi, Medaljen Presidenciale Jubilare për Dhjetëvjetorin e Pavarësisë, do ta ndajë gjatë tërë këtij viti. /Telegrafi/