Testi i shtatzënisë i doli pozitiv, por në barkun e nënës nuk rritej foshnja – një tumor (Foto)

Lorin Nouls nga Aberdini i Skocisë, u gëzua shumë kur testi i shtatzënisë “i tregoi” se sërish kishte mbetur shtatzënë. Shtatzënia e saj dukej normale deri në javën e tetë, kur lëkura filloi t’i skuqet.

Mjekët menjëherë i propozuan ta bëjë një ultrazë, ku edhe u zbulua e vërteta e hidhur: “Fëmija i saj në bark” në fakt ishte një sëmundje shumë e rëndë. Ata i thanë se vuan nga mola malinje hidatidemike, një lloj tumori që shkakton trashjen e shtresës së placentës, transmeton Telegrafi.

“Tumori rritej në mitër në të njëjtën mënyrë si rritet foshnja, kishte hormonet e njëjta, kurse testet e shtatzënisë vazhdimisht ishin pozitive. Nuk kisha arsye të besoj se bëhej fjalë për tumor, por pasi që fillova të kem gjakderdhje bëra edhe disa teste, kurse ultrazëri tregoi se masa në mitrën tim ishte tumor dhe menjëherë iu nënshtrova terapisë”, ka deklaruar Lorin e cila sot jeton në Perth të Australisë.

Megjithatë, tumori rikthej me hapa të shpejtë. Kështu një ditë derisa po argëtonte të birin në parkun e lodrave, pa se toka ku ajo kishte shkelur ishte mbushur me gjak. Aty menjëherë e mori autoambulanca që e dërgoi me urgjencë në spital, ku iu nënshtrua një cikli prej gjashtë terapive helmuese.

Ajo u dërgua urgjentisht në spital, pas së cilës kishte gjashtë cikle të terapisë helmuese. Gjatë këtyre javëve filluan t’i bien flokët. Dhe pas pesë muajve, gjendja e saj shëndetësore veç sa përkeqësohej. Kështu një ditë në prill të vitit 2015, filloi të ndjen shtrëngime të mëdha në bark.

“Kam pasur dhimbje të mëdha, u ngrita nga shtrati dhe shkova në tualet. Sapo u ula fillova të ndihem e përgjumur për shkak të infuzionit. Ishte një moment shumë i dhimbshëm, por kur gjithçka përfundoi u ngrita në këmbë dhe pashë në guacë një masë të zezë. Ndjeva një lehtësim të madh, dhe isha shumë e lumtur që më në fund tumori doli nga trupi im “, ka shtuar Lorin.

Tumori me madhësi të një dardhe i kishte dëmtuar mitrën, kurse mjekët e kishin paralajmëruar se gjasat janë të vogla që ajo sërish të mbetet shtatzënë. Por, vetëm tre muaj më vonë ajo mbeti shtatzënë. Solli në jetë vajzën Indi e cila sot i ka dhjetë muaj.

“Tërë kohën kam qenë e frikësuar, pasi që shtatzënia dukej normale sikur kur mjekët konstatuan se kisha tumor. Kur iu nënshtrova për herë të parë ultrazërit, dëgjova rrahjet e zemrës së bebes dhe nuk mund të ndalesha duke qarë nga gëzimi”, ka shtuar ajo.

Indi ka lindur pesë javë para kohës së paraparë me prerje cezarine, por është plotësisht e shëndoshë.

“Dëshiroj t’ju them të gjithëve që kurrë nuk duhet të humbni shpresën, madje edhe atëherë kur ju duket se diçka është e pamundur”, ka shtuar ajo për fund. /Telegrafi/