Femra Modë

Tendencat e bikineve për verën 2015

Para 10 vitesh

Duke filluar nga struktura e ngjyra që të rrëmbenin shikimin e duke përfunduar tek disa zgjedhje dizajnësh me stil “të së ardhmes”, trendet e bikineve për verën 2015 bëjnë prurje të diversiteteve të stileve, formave e hijeve të ndryshme për të kënaqur pritshmëritë tona.

Duke u bazuar në format e juaja trupore keni zgjedhje pafund për të bërë këtë verë. Këtu i keni disa nga trendet nga të cilat mund të zgjidhni për stilin tuaj veror:

Bikine me printime 3D
Gjithmonë dëshira për të eksperimentuar me copa të printuara është e madhe, kur bëhemi gati të shkojmë për plazh. Printimet ekskluzive 3D janë të parat në këtë listë, që dijnë të befasojnë me dimensione interesante të fotografive që përdoren në to e që ngritin në dimensione të larta format e veçanta.

Me prerje të larta rreth qafës
Një trend interesant që po fillojmë ta shohim më shpesh kohën e fundit është ky me prerje të larta rreth qafës që në shikim të parë nuk do të duket si opsioni më mirë nga i cili mund të zgjedhni nëse dëshira juaj është të merrni një ngjyrë të mirë gjatë rrezitjes. Por këto pjesë në fund të fundit duken shumë bukur në ditët kur ju intereson më shumë të tregoni stilin se sa ngjyrën e lëkurës.

Me mëngë të gjata
Nëse nuk është ai me prerje të lartë rreth qafës atëherë është kostumi me mëngë të gjata e ekstravagant ideali për ju. Të disponueshme në dy forma: edhe një-pjesësshe me mëngë të gjata e edhe dy-pjesëshe me mëngë të gjata, këto dizajne vijnë si një lloj inovacioni dhe diçka totalisht ekskluzive, target i atyre femrave të cilat duan të bëjnë një ekspozim të madh të stilit glamuroz të tyre.

Kostumet “retro”
Një dashuri e veçantë vjen këtë sezon për atmosferën “retro”, nuk ka rëndësi se a është në lidhje me bukurinë, modën apo bikinit. Ato kostume me bel të lartë mbajnë pozicionin e tyre me nam të mirë për verën 2015, duke ardhur si një alternativë me stil për ato femra që janë në kërkim të një lloj “mbulimi” që është gjithashtu edhe shumë në modë.

Të inspiruar nga të 60-tat magjepsëse, opsionet e kostumeve me bel të lartë janë parë tek Agua de Coco, Amapo, Wildfox, Mara Hoffman e shumë të tjerë.

Pjesa e lartë me valëvitje vibruese
Valëvitjet me njëfarë vibrimi tek të lartat e bikineve dy-pjesëshe të vajzave për sezonin e ri vijnë të paketuara edhe me një “pafajësi” e “tërheqje”, transmeton Koha.net. Këto pjesë të lehta kanë dukje por edhe ndjenjë të rehatshme dhe unike duke zbuluar lehtësisht edhe motive “retro”.

Të printuara e të modeluara
Duke shikuar në trendet kryesore të bikineve 2015 duket sikur këto bikine kanë ardhur nga pëlhurat e pikturave, përderisa gjejmë shumë printime vibrante e vezulluese. Që nga printimet me karakter të luleve me sllogane kreative, motive abstrakte të kafshëve, forma gjeometrike, me ngjyra të ujit, me pika, me vija, pëlhura të stampuara e të modeluara me kahe të natyrës, këto kostume vijnë të zbukuruara me absolutisht të gjitha mënyrat e printimit që duken shumë bukur dhe përcjellin një lloj energjie pozitive.

Monokromet klasike
Kostumet me monokrome të stilit të pa-vdekshëm minimal janë ende në trend për të gjitha ato femra që veprojnë me teorinë “pak është më shumë” dhe kanë dëshirë që të shtojnë aksesorë mbi dukjet e tyre të thjeshta. Se a është diçka e zezë, e bardhë, me ngjyrë pastel ose e ngjyrosur me ngjyra të ndritshme, dizajnet monokromatike kanë triumfuar në pista këtë vit.